Evento: Concerto de Les Luthiers

Les Luthiers é un grupo arxentino de humor que utiliza a música como un elemento das súas actuacións, con instrumentos creados con materiais cotiáns.

A comezos dos anos sesenta desenvolvíase en Arxentina e especialmente en Buenos Aires unha intensa actividade coral universitaria. Como prolongación destes intereses era frecuente a realización de festivais intercorales nos cales se presentaban actos paralelos de humor doméstico protagonizados por grupos formados en cada coro.
En setembro de 1965, durante o Festival de Coros Universitarios realizado na cidade de Tucumán, integrantes dun dos coros da Universidade de Buenos Aires presentaron para os demais participantes un espectáculo de música e humor.
Tratábase de divertir á audiencia coa parodia dun moi formal concerto ofrecido por solistas, pequeno coro e conxunto orquestral integrado por instrumentos non convencionais que os mesmos intérpretes construiran con materiais caseiros.
A obra central daquel programa era A Cantata Laxatón e fora composta por un dos integrantes do grupo, o arquitecto Gerardo Masana, quen tamén foi o inventor da maioría dos instrumentos utilizados naquela ocasión.
A música parodiaba unha cantata barroca, pero co seu texto tomado do prospecto dun coñecido laxante.