Evento: ROCK EN FAMILIA " I love rock and roll"

ROCK EN FAMILIA "Encántame o rock and roll"

O volume das actuacións adáptase aos oídos dos máis pequenos para que poidan bailar e cantar xunto a súa familia e amigos ao ritmo das mellores cancións da historia do rock e do pop.

Family Rock chega por primeira vez a Ourense.

I LOVE ROCK AND ROLL é un espectáculo educativo de 60 minutos con música en directo. Repasa a historia do rock and roll e interpreta algunhas das cancións máis populares do xénero.

O rock and roll forma parte da nosa cultura popular durante décadas, e debe ser tratado como material cultural educativo para as novas xeracións. Para nós é importante que as nenas e os nenos coñezan a orixe e o desenvolvemento dun estilo musical que forma parte da vida de varias xeracións e que, dende hai máis de sesenta anos, se vai transformando constantemente ata os nosos días. A mellor forma de coñecer e aprender é divertirse. Por iso en I LOVE ROCK AND ROLL pasámolo xenial.

Da man de EL OSO ROSENDO, a mascota do Rock en familia, o público coñecerá as orixes, os protagonistas e as anécdotas máis interesantes e importantes dos grupos máis destacados da historia do rock. Deste xeito, aprenderán a recoñecer non só os grupos e as cancións, senón tamén a encadralos no seu contexto histórico.

En I LOVE ROCK AND ROLL temos unha banda de músicos de primeiro nivel que, caracterizados pola imaxe e semellanza dalgúns dos artistas máis importantes do xénero, interpretan en directo algunhas das cancións máis representativas de cada época. Así, en I LOVE ROCK AND ROLL coñeceremos a historia da música rock parando nas cancións de The Beatles, Led Zeppelin, AC/DC, Guns&Roses, Metallica, Iron Maiden ou Nirvana.

I LOVE ROCK AND ROLL é unha oportunidade perfecta para dar a coñecer un xénero musical que xa forma parte da vida de varias xeracións e que ocupa un lugar privilexiado incuestionable na cultura popular.

Entradas: https://entradas.ataquilla.com/ventaentradas/gl/outras-musicas/auditorio...