Ver debuxar a Davila en pantalla xigante as historias, novas e vellas, de Carlos Blanco, en directo: As bravas do país, Dora a desbrosadora, os kiwis...
Unha complexa aposta técnica (animación incluída) con moita retranca. Con música composta para o espectáculo por Budiño e Kepa Junkera.
Esta programación pode sufrir modificacións. Confirmar datas e horas nos mesmos lugares onde se representa: Auditorio Gabriel García Márquez
Autoría e dirección: Juan Rodríguez e Laura Sarasola
Unhas poucas casas poden ser unha aldea, moitas casas poden ser unha cidade. A nosa casa naceu nunha aldea que agora é unha cidade. Aí está, arrodeada doutras. É de madeira, ten xardín e dalle moito o sol. Antes non tiñamos veciños, pero pouco a pouco foron chegando Hortensia, a florista, que ten unha casa que recende moi ben; Telmo, o veciño equilibrista; Arabela, que é cantante de ópera...no verán se vai moita calor, ou no inverno, se non para de chover, o mellor sitio onde estar é...na casa!
Autora: Andrea Bayer
Dirección: Andrea Bayer e Óscar Ferreira
Elenco: Andrea Bayer, Xurxo Cortázar e Óscar Ferreira
Érase unha vez unha galaxia, a galaxia Leo T formada por planetas, estrelas e Martes.
Martes é un ser espacial que vive entre a lúa e as estrelas. Gústalle xogar con elas e nunca, nunca se separa.
Martes tenlle medo ao lobo, aos monstros, aos tronos, aos peidos, etc. Martes tenlle medo a todo por iso nunca saíu da lúa, durme no seu regazo e sácalle brillo para non quedar a escuras.
O desexo de bailar está nalgun lugar da nosa mente, coma os soños. Que é realidade e que é ficción?
Ale-hop é un espectáculo de danza moderna, hip hop e teatro no que os soños se fan realidade e a realidade se fai soño.
Esta programación pode sufrir modicacións. Confirmar datas e horarios nos espazos onde se representa: Auditorio Casa da Cultura de Bertamiráns
Autora: Dramaturxia por Laura Villaverde
Dirección: Roi Fernández
Elenco: Roi Fernández, Laura Villaverde
Sinopse: "Se falas con Deus estás rezando. Se Deus fala contigo, tes esquizofrenia". Advírtelle el a ela dende a súa mesa de escritorio a 50 anos de distancia. Ela, inconforme coa sua situación vital, relixiosa, social, política e chea de cuestións existenciais, busca na fresca adega de viño do seu avó Basilio poñerlle maxia á súa existencia.
Autor: Rosa Hurtado, Santiago Montenegro e Simón Piñón
Dirección: Manuel Pombal e Santiago Montenegro
Chisco, Mucha e Moncho son tres limpadores que comezan unha nova xornada de traballo. Mais hoxe, con tanta sorpresa, vense cautivados nunha historia que lles leva a xogar, a enredar, a mesturar, a compartir... Pero se están no conto da Cincenta!
Esta programación pode sufrir modificacións. Confirmar datas e horas nos espazos onde se representa: Auditorio Municipal Gustavo Freire
Montaxe escénica de danza dirixida aos máis pequenos e pequenas, inspirada en Joan Miró, xa que á compañía sempre lle fascinou a súa mirada limpa e transparente.
Argumento: Imaxina unha praia. A marea está baixa. A area está mollada e lisa. Non hai ningunha pegada. É coma unha lousa limpa. Tes un pau na man. Ou quizais non. Só tes os teus dedos. Agáchaste. Non sabes que debuxar. Non queres estropear a area, aínda que se miras ao lonxe, podes ver que hai moita praia. Moita area sen pisar. Entón decídeste e pintas.
Un espectáculo cheo de orixinalidade a partir de construcións imposibles de pompas de xabón en conxunción con ilusións máxicas: totalmente innovador.
Esta programación pode sufrir modificacións. Confirmar datas e horas nos lugares onde se representa: Salón de Actos do Concello de Cee
Inspíranse nos catro persoaxes do conto popular, pero a historia vai por outros derroteiros narrativos coa aparición doutros que fan que os nenos e nenas empecen a familiarizarse con determinados conceptos musicais. O Obxectivo primordial é criticar o abandono animal e concienciar que as mascotas da casa forman parte das nosas vidas, como un membro máis da familia. Os temas cantados en directo son un vínculo entre a historia e os pequenos e pequenas. Ademais, descubrirase a algunha futura estrela da canción nunha selección de cantantes nun momento da representación.
“As Fabulosas Viaxes de Wilson e Fabrice” é un espectáculo teatral para público familiar de 50 minutos de duración.
Os profesores Wilson e Fabrice son dous zoólogos que viaxaron por todo o mundo recollendo historias populares protagonizadas por animais. Mister Wilson é o encargado de contar as fábulas mentres Monsieur Fabrice ilustra os contos con debuxos feitos sobre area. Unha gran pantalla de vídeo no escenario permite ver ao público a evolución das ilustracións. Música e sons ambientais completan a posta en escena.
