Dúas personaxes que ensinan ao público con xogos, bailes e enredos que nos trae a choiva, antes e despois de que ela veña ou marche.
Espectáculo feito para a primeira infancia respectando os seus estímulos, tempos e xeitos de asimilación, duración e achegamento aos elementos empregados na representación.
Esta programación pode sufrir modificacións. Confirmar datas e horas nos espazos onde se representa.
Dende os meus cuarteis de inverno escribín estas seis notas para que as leas na miña ausencia. Son pequenos poemas elaborados só con luz e carne.
Para ti seis buscas, seis desexos, seis emocións, seis encontros, seis estados, seis vivencias, seis relacións, seis en compañía, seis persoas, seis, seis pezas. Seis evanescencias que espero recordes.
Cyrano é unha grande obra do Teatro Clásico francés, á vez que unha historia de amor sobre a encarnación do triunfo da beleza moral e da intelixencia fronte a fermosura física e o mundo material.
É unha aloucada e desenguedellada comedia sobre a corrupción social e política e a deformación dos valores culturais.
Luma Gómez e Cristina Yáñez encarnan a dúas irmáns, Lina e Rut, que, desde cativas, sempre se odiaron e buscaron a maneira de desfacerse a unha da outra. Pasados os anos, Lina se dedica á venda de aparellos eróticos en xuntanzas caseiras e Rut está casada cun home con aspiracións políticas que, por mesturarse con turbios asuntos de corrupción, é detido e encarcerado.
Un porteiro dun hotel de luxo, que vive na precariedade da rúa nunha caravana, atópase cun can ao que lle gusta interromper o tránsito, para provocar accidentes. Estes dous inadaptados, un xeneroso e outro cínico, van iniciar un diálogo sobre o estado do mundo para finalmente descubrir a tenrura na voz dunha nena. Como dous clowns que denuncian a hipocrisía dunha sociedade, que se indignan con irreverencia contra o mundo no que vivimos. Unha sátira contra a estupidez e o egoísmo.
Misterio bufo , é o texto de Fo máis representado prácticamente en todos os países e linguas do mundo, e, ao mesmo tempo, o máis odiado e combatido desde as altas instancias vaticanas.
Fo quere contar a verdadeira historia, a do pobo, a que foi sempre marxinada pola cultura oficial, manipuladora e hipócrita. Indignado pola terxiversación que os popes culturais fixeron deste feito como doutros temas, reivindica o verdaderio coñecemento dun elemento esencial da cultura italiana, como é a súa tradición oral e escrita de teatro popular.
Autor: ERNEST THOMPSON
Dirección: MAGUI MIRA
Elenco:
LOLA HERRERA
HECTOR ALTERIO
LUZ VALDENEBRO
CAMILO RODRIGUEZ
ADRIAN LAMANA
TIC TAC é o exitoso libro-disco creado por Pablo Díaz, do que se levan vendidas máis de 5000 copias desde que saiu en decembro de 2009.
Nos seus concertos, Pablo fai un percorrido por distintos ritmos cos que, desde a perspectiva do folk, abarca a universalidade da música.
Nos seus espectáculos vai acompañado por grandes músicos que participan en grandes proxectos: Diego Barral (guitarras), Álex Fente (acordeón), Antón Díaz (baixo e contrabaixo), Carlos Freire (batería), Olga Kirk (coros) e Pablo Díaz (voz e clarinete)
Oscar Ibáñez presenta o seu primeiro traballo discográfico en solitario baixo o título “Alén do mar” (VIR, 2012). Neste disco o gaiteiro e frautista pontevedrés convídanos a unha viaxe sonora que discorre polo Atlántico chea de orixinalidade, imaxinación e creatividade, a través dunha magnífica selección de melodías galegas e latinoamericanas enriquecidas con elementos propios da música celta.
Saúl Cacharrón: músico e actor
Martín Nogueira: músico e actor
Paco Nogueiras: músico e actor
Cocido sinfónico é un espectáculo innovador de teatro, música e humor, dirixido a un público infantil e familiar, nesta ocasión, as portas deste peculiar restaurante, ábrense dispostas a ofrecerlles aos comensais as músicas máis saborosas, acompañadas dos pratos máis suculentos e novidosos.
