Rede galega de teatros e auditorios

Casa de Bonecas ou "O escándalo dunha muller que marcha da casa". Así foi considerada na súa época esta gran obra, froito da dramaturxia do pai do teatro realista contemporáneo, Henrik Ibsen, en 1879. Un alegato feminista que se converteu co paso de tempo na celebración da independencia da muller nunha sociedade de homes. Con Casa de Bonecas o espectador revive o nacemento dunha das maiores heroinas do teatro, Nora Helmer. Esposa e nai perfecta, esconde sen embargo un perigoso segredo, anos atrás falsificou unha firma para conseguir un préstamo.

Señores espectadores: quedan detidos como sospeitosos, cómplices ou testemuñas dun articidio en primeiro grao. Teñen dereito a rir, chorar, emocionarse, seguir o ritmo das cancións e non desvelar a ninguén o final de Crimen y telón.

O Teatro morreu e o detective Noir ten que descubrir ao asasino antes que a Axencia Anti Arte desvele o segredo do seu escuro pasado. Para iso percorrerá a historia do Teatro en busca de verdades ocultas mentres unha rede de misteriosos personaxes conspiran na sombra.

Reparto: Nola Drake, Raquel Ferraz, Alba Outeda, Raquel Crespo e Gabi Modesto

Ano 1956, América.

Elenco artístico: Josemi Rodríguez e Carlos Cadros

Víctor Frankenstein é un novo doutor que quere chegar lonxe no mundo da medicina. A súa idea é crear un ser, ao que dará vida a través de raros experimentos. Pero non todo sae como el esperaba. Tras o seu nacemento, a criatura sae fuxindo despavorida e inicia unha viaxe cuxo percorrido ten un único destino: atoparse a el mesmo e demostrar que non é un monstro.

Nalgún lugar, lonxe de todo, ao caer a noite, unha muller le un libro que parece conter as historias do mundo enteiro. A música acompáñaa na soidade. Soan badaladas. Anuncian un baile?
Un lobo ouvea. Está a porta pechada con chave? Leva tantos anos ás costas, esa muller, que xa non lembra quen é. Precisamente por iso pode xogar a ser quen ela queira.

Elenco: Marta Vise, Miguel Ángel Maciel e Quique Fernández

Inma morreu, pero a súa relación cos vivos non deixa de ser moi estreita. Continuamente aparécese nos soños daqueles que a quixeron (o seu marido, o seu fillo) e quen dalgunha forma tiveron que ver con ela e resístense a esquecela.

Tal vez soñar é un espectáculo sobre a estreita liña que separa a vida da morte e sobre o amor que perdura máis aló (ou máis acó) da perda dun ser querido.

Os inocentes nace da operación de pulido e compulsa co público, ata lograr a forma definitiva do relato escénico, a técnica que leva anos traballando Quico Cadaval. Con Os inocentes logra un espectáculo de sorprendente coherencia, coa aparición dun retablo da inocencia.

Sinopse: Este espectáculo é un percorrido pola vida e obra de María Victoria Moreno Márquez, escritora, mestra, loitadora, artista, defensora da lingua, pioneira da literatura infantil e xuvenil en lingua galega. Muller que sempre viaxou a contracorrente. Mestra apaixonada polo ensino, namorada da boa literatura, e de escoitar e de falar cos cachorros dos humanos, como lle gustaba chamar ao seu alumnado. María Victoria foi unha gran sementadora de futuro, que explorou habitualmente camiños diferentes na procura de mundos mellores para as persoas que viñamos detrás.

A un mes do peche por débedas do seu estudo, unha decrépita profesora de danza e teatro para nenas decide que é o momento do "agora ou nunca", de realizar un espectáculo que revolucione a arte contemporánea: Lo nunca visto. 

Sen talento, sen diñeiro e xa sen alumnas nas súas clases, lánzase a recrutar a “artistas comprometidos” para a súa causa. 

Só acudirán á súa chamada dúas das súas exalumnas: unha yonki galega e un ama de casa que acaba de fuxir. 

Un lugar indeterminado. Tres mulleres. Sete testemuños reais. Setenta minutos. Un millón de razóns para falar do maltrato. Non máis invisibles. Invisibles é un espectáculo de creación colectiva a partir da novela homónima de Monste Fajardo, que presenta ante o público diversas historias cun fío común entre elas: a violencia de xénero. O seu interese reside na exposición de historias reais protagonizadas por mulleres galegas, historias sobre malos tratos, algunhas delas xa coñecidas polo público pola súa repercusión mediática.