Rede galega de teatros e auditorios

É un espectáculo musical, didáctico, dinámico, creativo, diferente, e interactivo co público, cunha temática adaptada, personalizada pensada e elaborada conxuntamente cos responsables do evento e lugar ao que se acude.

O fin deste espectáculo é potenciar ocio e cultura a través da calidade escénica, a poesía artística, a música tradicional fusionada con outras ramas musicais e demáis recursos expresionistas que contribúen ao desenvolvemento da cultura atlántica e en xeral á potenciación da arte en múltiples facetas.

Animais de compañía é un espectáculo para público familiar e escolar desde 6 anos. Unha comedia musical en forma de fábula que vai conquistar aos máis pequenos da casa mentres viven un proceso de aprendizaxe de valores éticos.

Maxa e Fedra, unha vella cadela e unha gata nova, son as encargadas de, entre cancións, contos, relatos e liortas, ensinar a nenas e nenos a importancia do respecto ás diferenzas: de raza, de cor, de relixión, de xénero etc.

O concerto de Susana Seivane consta de temas habituais do seu repertorio, pezas tradicionais e de autor.

"Nono", un inocente clown que fará viaxar ao público polo seu mundo de fantasía, un mundo no que tentará mostrar os seus mellores trucos de malabares aínda que os problemas aparezan en cada esquina, aínda que ao final, sempre se acaban resolvendo con moito humor.  Podendo gozar de incríbles malabares, unha pelexa encarnizada cun mosquito, a aparición do seu inseparable amigo o mono, un combate de boxeo, e moito máis.
Todo isto, nunha combinación de mimo, malabares, manipulación de marionetas, clown e un mundo sen palabras.

Radio Bulebule é un espectáculo baseado no libro-cd-dvd editado por Kalandraka Editora, na que se combinan cancións e interpretacións cos rexistros máis divertidos.

Radio Bulebule defínese como a radio itinerante, radio ambulante, radio cantante, transmitindo para o mundo en linguaxe universal. Dentro dela, din, soa o universo todo, porque dentro dela todo o universo é música. Paco Nogueiras convídavos vivir a radio en directo nun divertidísimo programa cheo de humor, baile e cancións.

Elenco: Manuel Pombal, Suso Pando e Marcos Alonso.

Top Manta -a lista dos moi listos, o hit-parade dos máis vendidos-, cóntanos en clave de comedia, unha serie de historias de actualidade, cercanas e sorprendentes.

Top Manta, un espectáculo para rir, rir e rir, por non chorar, chorar, chorar... de risa, claro!!

Elenco: Josi Lage e Stephy Llaryora

Margot, a nai de Loló, queda non paro e decide instalarse na casa da súa filla, a un océano de distancia. Pero o que semellaba unha idea xenial que axudaría a xuntar a unha familia desestructurada dende sempre, pronto se transforma en desastre. Como acolle unha filla o retorno da nai? Quen é a nai e quen é a filla cando é esta última a que ofrece casa e sustento? Canto tempo pode pasar ata que esta bomba de reloxería estoupe definitivamente?

Elenco: Stephy Llaryora (única intérprete)

O espectáculo consta de dúas partes diferenciadas, cada unha co seu contido e personaxe independente. Parte da súa graza está na transformación dunha parte noutra , así como no uso do castelán e o galego. Pasemos a resumilas e nomealas:

Como serían os tres porquiños e o lobo feroz hoxe en día? Onde poderían atopar un lugar seguro e limpo, lonxe das grandes fábricas, no que poder construír as súas casiñas? Que ritmos musicais empregarían para se presentar?

A resposta a todos estes interrogantes, como todo, está nos libros, e tamén na moderna historia que vai construíndo un explorador afeccionado aos contos que percorre o bosque na procura dos seus personaxes favoritos. Adiviñades cales son?

Eu queríame casare é a historia televisada de dous auténticos perdedores que buscan a súa última oportunidade no amor. Antón e Lola están cerca dos corenta anos e están buscando unha relación máis... menos... unha relación á que poder agarrarse como clavo ardendo antes de pase o tren, pase o arroz e pase... o que teña que pasar. 

Coñécense nun destes programas televisivos de "cita a cegas", a cousa non funciona, pero Antón e Lola, Lola e Antón son de todo menos predecibles e pode acabar pasando calquera cousa. Poñanse no peor.