The Lákazans volve para quedarse. Dous anos tardaron en entrar de novo ao estudio para plasmar o que será o seu terceiro traballo discográfico que non fai máis que consolidar o seu talento compositivo.
Sandwina, inspirado na muller máis forte do mundo, amplian o seu rexistro a novos xéneros da música america, mais aló do seu blues característico. Deste xeito, podemos atopar nel desde o country ata o mais sentimental rockabillly.
THE HENDERSONS é unha banda que reflicte fielmente o son, as harmonías vocais e a enerxía de THE BEATLES, interpretando temas de todas as etapas da banda de Liverpool, con ese encanto e esa actitude "marca da casa" enriba do escenario.
Cada show fai un percorrido pola etapa de Hamburgo , a Beatelmanía "yeyé", a psicodelia , a época Hippie, ata o Rock máis cru da última época, con máis de 30 cancións universais e atemporales que atraparán os corazóns de públicos de todas as xeracións: desde os netos aos avós.
TanDub usa varios idiomas, dende o árabe ó francés, dende o wolof ó galego. O idiomanon é barreira cando se queren contar certas cousas.
Un concerto e TanDub é unha viaxe con saúdo inicial ata rematar falando dos refuxiados e inmigrantes, e a morte.
Mistura a enerxía do Dub coa forza das carcabas, creando ritmos que camiñan coma o reggae ou cabalgan frenéticamente.
Un espectáculo duns 70 minutos de duración aprox. nos que a interacción co público faise latente
SonDaRúa é un grupo de rap galego, creado en Ponteareas no 2016, formado por Hugo Guezeta, Álex Arnoso e That Bass DJ.
O seu estilo resúmese en rap desenfadado con bastante contido instrumental, transmitindo bo rollo, mais cun trasfondo maioritariamente reivindicativo, de crítica social e política.
Son Trío está formado por Su Garrido Pombo (voz), Katerina Linke (piano, composición) e Susanna Blanco (cello), e presentamos o proxecto musical Miña almiña baseado nas letras de Rosalía de Castro e música orixinal.
Co lanzamento do noso disco Miña almiña, estamos a ofrecer una xira por Galicia co obxectivo de chegar ao máximo de lugares posibles. Coa nosa presenza na escena galega poñemos en valor a calidade musical independendemente do noso xénero, e promovemos o uso da lingua galega ofrecendo un proxecto 100% nese idioma.
Sheila Patricia e Mauricio caruso reúnense para mesturar ritmos do Brasil e de Galicia.
Unha proposta acústica, íntima e moi elaborada.
Sandra Calderón e Flamenco Band é unha banda de gran recoñecemento no panorama músical.
Formada en abril do 2014, conta xa na súa traxectoria cun gran número de concertos realizados baixo a batuta de Sandra Calderón, a fundadora do proxecto. Flamenco Band se incursiona nunha variedade de estilos musicais. Con formación estable, os seus músicos achegan a diversidade sonora da banda. Inclúe no seu repertorio con cancións de estilo fusión, de jazz e latin jazz, baladas, salsa e máis; todo aderezado cun inconfundible toque flamenco e de calidade.
RAZKIN, é o proxecto en solitario de Pedro Fernández Razkin (Cantante da Fuga) músico navarro de ampla traxectoria que colaborou en diferentes bandas de rock navarras e con varios traballos discográficos ás súas costas. Desde o 2009 forma parte do grupo A FUGA como cantante e co que materializou 3 discos de estudo e dous en directo.
Durante a súa carreira, ademais de viaxar por España con máis de 500 concertos ás súas costas, pasou por países como Arxentina, Chile, Colombia, Ecuador, México, Irlanda ou Reino Unido.
Rayotaser son un dúo de música electrónica. Un Catrina de sintetizadores directos aos teus receptores emocionais e ao teu sistema locomotor cos que non poderás deixar de moverte. Unha proposta entre o synthpop e a música house cantada en castelán e cun toque de indietrónica..
Cun primeiro EP pasan por festivais como o Superbock Underfest, o Melonafest, o Atlantic Fest ou o Prestoso.
Tras dezaioto anos de existencia a banda Pepe Vaamonde Grupo quere festexar a súa maioría de idade ofrecendo un espectáculo en directo para esta tempada, composto polos mellores temas dos seus catro traballos discográficos.
Cancións tradicionais e pezas instrumentais de composición propia que superaron o filtro do público ao longo de todos estes anos.
