A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
O ferreiro e o diaño narra a longa vida dun ferreiro que un bo día recibe na súa ferraría a visita de Xesucristo e ao outro a de o Demo. Negociando con todopoderosos seres o astuto Miseria é quen de sacar tallada doble aunque súa astucia acaba por ser a súa perdición.
Barriga Verde vai polas feiras contando contos e facendo monicreques. Todo son risos e diversión ata que unha noite, o noso amigo Barriga Verde atopa os seus instrumentos musicais metidos dentro dun caldeiro listo para ferver. Quen será o tolo que fixo tal? Sabedes que vai facer Barriga Verde? Pois, investigar.
Espectáculo dentro da programación de Cultura no Camiño.
Xan Laranxal e a macaquiña Kiku presentan esta gran aventura que comezou hai cincocentos anos, máis ou menos, cando, nun lugar do camiño, Gaiferos se atopou co Demo, que o desafiou ao xogo da Oca.
Tivo sorte cos dados o peregrino e gañou a partida ao do inferno, quen andivo por todo o Camiño facendo despropósitos e maleficios para detelo.
Os soños na gaiola de Manuel María é unha obra de monicreques para público infantil e familiar que supón a homenaxe que Títeres Alakrán e o dramaturgo e director Roi Vidal lle queren facer ao poeta Manuel María no ano no que se lle dedica o Día das Letras Galegas.
Elenco artístico: Cristina Agrulla e Alejandro Veiga
Deimi é un mago do Ribeiro que leva anos movendo os seus espectáculos por todo Galicia actuando tanto para público infantil como adulto. Un mago total que ademais de tocar a parte máis divulgativa da profesión, ten unha gran técnica e un interesante repertorio de números: escapismo, a cartomaxia, aparicións, transformacións, aparicións de coello, maxia con lume, levitacións, mentalismo ....
Maxia moi variada e divertida para o programa Cultura no Camiño.
Quinteto de música tradicional galega composto por dúas gaitas, clarinete ou acordeón, tambor e bombo.
Amplo repertorio popular, tradicional e propio, con moitas pezas cantadas.
A duración da actuación pódese adaptar ás necesidades do evento.
Autor: Chévere
Dirección: Xron
Elenco: Mónica García, Patricia de Lorenzo e Arantza Villar
Espectáculo de pasarrúas para todos os públicos.
Sinopse: Nika chega puntual, coma sempre, ao punto de quedada, o sitio onde tiña que estar montada a carpa do Gran Circo Krasnobarak, pero… que acontece? Non hai carpa! Tampouco está Pepo o paiaso, nin os irmáns trapecistas…. non hai ninguén!
Pasado un anaco aparece Igor, o director e domador do circo, e resulta que hai un problema maior: os animais do circo andan perdidos pola cidade!! Haberá que saír a buscalos!
Un espectáculo no que os contos tradicionais galegos cobran vida a través dos títeres e son cantados e contados para que os máis cativos pasen un bo momento aprendendo, escoitando e cantando connosco.
Deixa, ademais, un camiño aberto a que nenas e nenos indaguen nos contos e na cultura a través dos avós, avoas e persoas que tiveron a oportunidade de crecer coa rica tradición oral que hoxe en día se está a perder.
