Miren pon unha denuncia ao seu marido logo de trinta anos de matrimonio por violacións continuadas. A súa decisión suponlle deixar o domicilio familiar e debe buscar traballo logo de tres décadas dedicándose en exclusiva ao coidado dos fillos, xa maiores. Estes, incrédulos ao inicio, deberán tamén reconsiderar as circunstancias nas que foron educados e decidir como relacionarse co pai.
Miren pon unha denuncia ao seu marido logo de trinta anos de matrimonio por violacións continuadas. A súa decisión suponlle deixar o domicilio familiar e debe buscar traballo logo de tres décadas dedicándose en exclusiva ao coidado dos fillos, xa maiores. Estes, incrédulos ao inicio, deberán tamén reconsiderar as circunstancias nas que foron educados e decidir como relacionarse co pai.
Ale e Álex están a piques de cumprir os 40 e levan sendo parella media vida. Cando asumen que chegou o momento de separarse, deciden celebralo facendo unha festa na que poder honrar o seu amor e todo o tempo que pasaron xuntos. Mais os seus amigos, os convidados á festa, non acaban de crer que vaian en serio nin coa festa nin coa separación.
Un grupo de mozas xúntase nunha casa de campo durante unha semana de verán para ensaiar unha obra de teatro. Durante a convivencia, intercambian os seus saberes sobre a amizade, a actuación, o amor, a orfandade e a morte; coa secreta esperanza de que compartir as fará mellores. Las chicas están bien é un conto de verán con princesas, cabalos, sapos, un lume, unha festa, un río, moitas cartas e ata un príncipe pampán.
España, 2023
Reparto: Bárbara Lennie, Irene Escolar, Itziar Manero
Sinopse: Un grupo de mozas xúntase nunha casa de campo durante unha semana de verán para ensaiar unha obra de teatro.
Reunimos nesta nova mesa redonda a varios profesionais para compartir a súa experiencia na programación de festivais e ciclos de cine, analizando a importancia de ofrecer unha selección de títulos plural na que conflúan o rigor crítico e a vontade inclusiva de filmografías de procedencia diversa, así como de revisar a cineastas do pasado escasamente atendidas e excluídas do canon tradicional.
Coa participación de Javier H. Estrada, Colectivo Roedor e Nuria Cubas.
Proxección posterior de Las chicas están bien, de Itsaso Arana.
Reunimos nesta nova mesa redonda a varios profesionais para compartir a súa experiencia na programación de festivais e ciclos de cine, analizando a importancia de ofrecer unha selección de títulos plural na que conflúan o rigor crítico e a vontade inclusiva de filmografías de procedencia diversa, así como de revisar a cineastas do pasado escasamente atendidas e excluídas do canon tradicional.
Coa participación de Javier H. Estrada, Colectivo Roedor e Nuria Cubas.
Proxección posterior de Las chicas están bien, de Itsaso Arana.
Jonás Trueba e Itsaso Arana son director e actriz principal de Volveréis, escrita por ambos (xunto a Vito Sanz) e na que ela interpreta unha cineasta que ben podería ser un alter ego del. Manter un encontro con ambos permítenos reflexionar sobre a vinculación dun oficio e outro desde as súas distintas posicións, pero tamén entender como o traballo entre os dous retroalimenta o proceso creativo e a película, tanto na súa narrativa como nas súas formas.
Maria, unha moza escritora que acaba de ser nai, tópase coa noticia dun suceso arrepiante: unha muller francesa afogou os seus xemelgos de 10 meses na bañeira. Maria obsesiónase coa infanticida, por que os matou? A partir dese momento, a sombra do infanticidio axexaraa como unha vertixinosa posibilidade.
Coloquio coa directora na sesións do luns 11 de febreiro.
PUEBLO. Tras pasar uns anos no estranxeiro, Rafa volve ao seu lugar de orixe reencontrándose con todas as pantasmas das que un día fuxiu. Sumidos na atmosfera espectral da madrugada do Xoves Santo, el e o seu amigo de infancia, Lucas, emprenderán unha fuxida ao fondo da noite.
LAS VÍSCERAS. Unha tarde húmida de verán. A muller agarra o coello, acaríñao, mátao dun golpe seco. Os nenos, os vellos e ata os cans contemplan atentos o ritual cotián da morte.
