Autor: Jordi Galcerán
Dirección: Xulio Lago
Elenco:
Toño Casais, Artur Trillo, María Ordóñez e Dani Trillo
O método Grönholm é un xogo, si. Un xogo constante entre verdades e mentiras. Tal vez, un xogo un pouco perverso, pois as emocións e os sentimentos das personaxes son manipulados e sacudidos sen pudor nin compaixón algunha. Algo que resulta escandalosamente normal na sociedade contemporánea.
Sobre a figura dun adestrador de natación con alumnos infantís, recae a sospeita, manifestada polos pais dos rapaces, de que puidera tratarse dun pederasta.
A sospeita, medra pouco a pouco e alimenta o medo, esa sombra negra que, ao que parece, xa se converteu en presenza inevitable na nosa sociedade.
Con instrumentos de xoguete, Xiana Lastra, caracterizada de Pitusa Semifusa; Olga Brañas, caracterizada da súa avoa directora de orquestra; e Sérgio Tannus como o seu irmán Xabier, irán explicándolles á xente nova aspectos dos instrumentos musicais e da familia á que pertence cada un.
Todo a través nun espectáculo participativo e teatral para cos pequechos e con algunha coreografía sinxela para pasalo en grande.
Este espectáculo forma parte da programación de Ler conta moito, da Rede de Bibliotecas de Galicia.
É un espectáculo de marionetas con dous actores manipuladores. Este dúo de actores, que saben como enleala enriba dun escenario, presentan números de carácter circense e cabareteiro.
Unha obra que recorda os circos ambulantes que viaxaban de vila en vila amosando os seus emocionantes trucos, cargados de humor e de interacción co público.
Este espectáculo forma parte da programación Cultura no Camiño 2015, que leva funcións teatrais, musicais, de danza, maxia e novo circo polos concellos onde discorren as rutas xacobeas.
Unha peza teatral enfocada a transmitirlle ao público de 3 a 12 anos a paixón polos libros.
Catalina Lino Lina, farta de agardar a que alguén abra as páxinas do libro no que habita para poder cobrar vida, decide escapar para vivir as súas propias aventuras.
Actividade dentro do programa Ler conta moito.
Peludiño é un hámster que escapou da súa gaiola para vivir aventuras na cidade. Munda é unha rata soñadora que pasa as noites rebuscando no lixo para levar comida aos seus irmáns. Estes dous roedores terán que deixar atrás os seus prexuízos e traballar en equipo para vencer ao temido Gato. Xuntos aprenderán que son máis parecidos do que eles pensaban e que as diferenzas os fan especiais. Ao fin e ao cabo... Todos son Roedores.
Esta programación pode sufrir modificacións. Confirmar datas e horas nos espazos onde se representa.
Un espectáculo para público infantil e familiar no que a parella de clowns Pedro Brandariz e Fran Rei recrean números cómicos a través das ferramentas habituais de “Os Sete Magníficos máis Un”: a improvisación, a actitude de risco, a sinceridade do pallaso, a humildade do comediante e, sobre todo, a dignidade clown para saír das situacións máis complicadas.
Pedro Brandariz e Fran Rei, coñecidos ultimamente pola súa participación no programa Luar da TVG cos seus aloucados personaxes de O Gordo e o Calvo, presentan un novo espectáculo cómico na liña do seu traballo en televisión.
Bivalvos como Galeg@s é O Gordo e o Calvo en esencia pura.
O humor retranquiero e irónico de Pedro Brandariz e Fran Rei sen colorantes nin conservantes e baixo a direción de Iván Prado.
Por fin descubriremos o verdadeiro misteiro. Por que a auga do mar é salgada? Foi un fenómeno natural ? Será porque alguén fixo algo extraordinario?
Grazas a LUÍS e ANTÍA descubrirémolo porque eles foron os que viviron o momento directamente.
Eles tamén nos levarán polo fondo mariño para ver como están as especies .
Algunha vez vimos a un conto bailar?, seguro que si.
Por que os contos bailan?, porque queren xogar.
Cando bailan?, iso témolo que adiviñar… Abride os contos e escoitade, só temos que estar atentos para saber cando queren bailar.
Andrea, chega coa súa maleta disposta a desvelarnos un segredo, os seus contos bailan, descubriuno un día por casualidade e agora non deixan de bailar pero para iso precisan escoitar música e contos.
