Obra orixinal escrita en 1958 inspirada na intervención soviética en Hungría.
O escenario é unha clínica, un centro de repouso en aparente calma, no que os acontecementos virán marcados por dous sucesos: un nacemento e unha morte o día de nadal. A partir deste momento os traballadores somérxense nunha caótica situación que fai aflorar os comportamentos máis sinistros do ser humano, iso sí,en clave de humor.
As historias deses avós e avoas sempre presentes, coa palabra preparada para saír en calquera momento pola boca, con contos para pacientes, para impacientes, para o demo, para tremer de medo, para o mal tempo boa cara e para amarse e durmir quentiños.
Daboapipa, Vero Rilo e Santi Prieto, crean un novo espectáculo dirixido a nenas/os de 2 a 6 anos e familias. Cantos e Contos, ese é o xeito da traballo desta compañía coa que, durante 40 minutos, música en directo, canto e palabra únense para crear un universo máxico e lúdico cos contos máis coñecidos.
Unha viaxe polos montes, prados e camiños máis verdes que se puideran ver, chea de encontros cos animais máis marabillosos: toupas choscas, chivos enormes e ogros torpes, pombas doces e dragóns atroces, bechos estraños, cabalos azuis e cantigas de fai anos e non tantos.
Historias de Vida, Amor, Guerra e case Morte é unha fermosa proposta a medio camiño entre a narración oral e o teatro con música ao vivo.
Ao longo de varias historias recollidas de experiencias reais, Dabopapipa cóntanos historias dos nosos maiores que reflicten dun xeito agarimoso e divertido a realidade na que vivían.
Historias de amor, de emigración, de reclusión, guerra e amor contadas desde a tenrura e a emoción nunha proposta que arranca bágoas, lembranzas e sorrisos.
Novas historias cotiás, nunha peluqueria, nun supermacado nun ximnasio... Unha comedia que promete liberar ás mulleres do falso mito da histeria hormonal, unha vez alcanzado o medio século, e que converterá aos homes nos seus cómplices.
Sinopse: Nos silencios gardamos a memoria de NÓS mesmos. Cos xestos rasgamos os NÓS que nos prenden no tempo e no espazo, enchendo os días de memorias vividas ou aínda por vivir…
A Pele (espazo de contacto social e cultural) e a Asociación de Xordos do Porto, con desexo compartido de cimentar pontes de comunicación entre as comunidades xorda e oínte, vén establecendo un diálogo ao través do teatro, en canto a linguaxe universal.
Pepiño e Manola están a piques de vivir un gran desafío. Enganados pola súa madrastra acabarán perdidos no bosque e vivirán unha aventura que os cambiará para sempre: os nenos terán nas súas mans o destino dos contos e dos soños e terán que salvalo convertendo o que consideraban defectos en virtudes. "Moito Conto" é unha comedia musical 100% ecolóxica dirixida a un público familiar a partir dos 6 anos que, seguindo a estrutura do coñecido conto “Hansel e Gretel”, trata de educar e concienciar en valores de coidado do medio ambiente e de hábitos de vida saudables.
Versión divertida, trepidante e libre na que nove personaxes están enloquecidos polo amor, o diñeiro, a paixón, o orgullo, os celos e os equívocos. Son nove personaxes e outras tantas historias que se entrecruzan nunha montaxe que transita polo teatro clásico grecolatino e o musical, a comedia de situación e o vaudeville.
Sonia xamais chegou á cita co seu noivo Xerardo. Unha chamada…, outra…, outra… O seu teléfono dá liña, ninguén descolga. Ao día seguinte cala para sempre. Pasan días, semanas, anos… Xerardo non perde a esperanza de que algún día ao abrir a porta se atopará co sorriso de Sonia. Fundiranse nun abrazo que esvaerá todo tempo pasado…
Trasluz Teatro é unha compañía galega de teatro creada para afrontar o futuro, para loitar, para facer arte, para facer bo teatro. Para vivir.
A Tres Niveis é un novedoso proxecto artístico creado e interpretado por Pablo Carrera, Aarón Castro e Roberto Casal, que combina a través do humor, diversos aspectos das artes escénicas como monólogos, gags físicos baseados en grandes artistas como James Thierré, Tricicle ou Charles Chaplin e números de loita escénica, así como guiños a películas e representacións de algunhas escenas de grandes clásicos da literatura teatral universal.
