Teatro

Rafa cumpre 40 anos e o seu mundo derrúbase. Como fuxir desa vida perfecta que construíches? A visita dos seus veciños, marabillosamente integrados na mentira da sociedade, e a insistencia da súa muller en que acate as súas obrigas, actuarán como detonante. Ao longo dunha caótica noite, os catro protagonistas irán destapando as verdades ata asumir, con resignación, que aínda que non teñas a vida que soñaras, quizais a que che tocou non estea tan mal.

E se non, aínda queda a esperanza de escapar e, por primeira vez, chegar ao final da estrada. 

Xan Perillán é un home con sorte, tocoulle nunha rifa unha viaxe a Pernambuco...Pero onde queda Pernambuco?, no hemisferio Norte ou no Sur?...cun pouco de maxia e a axuda dos rapaces seguro que o averiguan.

Esta actividade forma parte do programa Ler conta moito de dinamización lectora, da Rede Galega de Bibliotecas.

Educar para a paz por medio da resolución pacífica de conflitos, mostrar os contos como medio de recoñecemento de situacións conflitivas e como nos ensinan posibles solucións, e fomentar o uso da biblioteca e a lectura, son os obxectivos deste divertido, musical e participativo contacontos teatral.

Está dirixido á mocidade e a nenos e nenas de 3 a 8 anos.

Esta actividade forma parte do programa Ler conta moito de dinamización lectora, da Rede Galega de Bibliotecas.

Repaso cómico da historia do gran autor teatral William Shakespeare. Revivirase a historia de Romeo e Xulieta, Hamlet, Macbeth, O mercader de Venecia,... ao tempo que se achega á xente ao teatro como ferramenta de lectura, pois non é só para velo, senón que tamén podemos gozar del lendo.

Esta actividade forma parte do programa Ler conta moito de dinamización lectora, da Rede Galega de Bibliotecas.

O novo dramaturgo británico Nick Payne deu o gran salto ao West End londinense (e despois a New York) con Constelaciones, obra pola que mececeu a nominación aos premios Olivier.
Nick Payne explora o amor, a amizade e a noción do libre albedrío no contexto da física cuántica…

Roland (Fran Calvo) e Marianne (Inma Cuevas), apicultor e física cuántica respectivamente, coñécense durante unha barbacoa e comezan unha relación… Constelaciones está inspirada na idea do "multiverso", a teoría de que o noso universo é só un entre os moitos que existen… 

Texto, dirección e creación: María Caparrini e Marta Pérez.
Interpretación: Marta Pérez e María Roja.
Creación gráfica: María Roja.
Científico: Xosé Manuel Esperante.
Fotografía: Ángel Sousa. Berio Molina. Leonor Sangabriel.
Edición de vídeo: Ángel Sousa. Marcela Ceballos.
Vestiario: Centro Dramático Galego.
Música: Mozart. Alféizar.
Maquillaxe: Inversa Teatro.
Produción: Inversa Teatro

O abrigo dos paraugas, brincar nas pozas... que divertida é a choiva! Este espectáculo pensado para a primeira infancia xira ao redor da chuvia e axuda a descubrir aos máis pequenos e pequenas todas as cousas fermosas que son causa dela: a herba, as árbores, flores, as hortas, alimentos, as paisaxes verdes etc.

A través de xogos, bailes e enredos ensínaselle a este público tan novo a cantidade de cousas trae a choiva, antes e despois de que veña ou marche.

Merenda de libros é un cabaré infantil, e familiar, no que tres persoas adultas que en ningún momento pretenden facer de nenos, senón que simplemente tentan divertirse coma nenos, se poñen a merendar textos…

Actriz .................... Iría Acevedo
Manipulación........ Guillerme Cancelo
 
Espectáculo musical de 30 minutos  para bebés de 6 meses a 4 anos. A actividade consta de dúas representacións consecutivas.
 
SINOPSE: Poética e divertida viaxe escénica a través das distintas estacións do ano. Espectáculo pensado para os mais pequenos e pequenas, a través de elementos moi sinxelos para que participen nos grandes cambios e transformacións que se producen no inverno, outono, primavera e verán.
 

Século XVIII. Italia. O cabaleiro Valentino Rufini de regreso á súa casa en Milán é abandonado polo seu criado, que lle marcha cos cartos. Só, carregando co seu baúl de viaxe, e coa faldriqueira baleira, decide pasar a noite nunha casa en ruínas no camiño por onde pasa a carruaxe a Milán. No mesmo lugar decide tamén pasar a noite Danniello Pillabán, a quen a súa ama deixou composto, sen cartos e cun baúl cheo de traxes de señora ostentosa vida a menos. Ambos os dous coñeceranse e compartirán a noite, e con ela, desexos, sospeitas e medos, mentres agardan a que de mañá pase a carruaxe.