Dirixida por Leandro Lamas
Protagonizada por Quique Vázquez, Lorena Montero, Silvia Casal (Leandro Lamas) e Paula Morado
Técnicos Leandro Lamas e Gena Hernández
"Un chega desde París, feito un poeta, contando con que o reciban con gaiteiriños, foguetes e copichuelas...e recíbeno desta maneira"
Unha escritora ten un compromiso urxente co seu editorial e necesita presentar a súa obra terminada de inmediato.
O público será quen lle achegue as ideas, o argumento, a trama, as personaxes,... e observarán como esa novela cobra vida en directo.
Unha historia distinta en cada función, O PÚBLICO, será o que propón e os actores faranno.
Espectáculo de improvisación teatral dentro do estilo long form.
Paula Carballeira será a encargada de dirixir e darlle forma a esta nova aventura desde un punto de vista de xénero, que Artur Trillo protagonizará, acompañado en escena do músico Fernando Fraga, un virtuoso do acordeón. Este é o equipo que nos achegará catro historias da autora italiana Adela Turín, publicadas pola editorial Kalandraka.
A montaxe, na que combinamos palabra e música en directo, axudará a desmontar unha serie de ideas impostas e simplificadas, pero fortemente asumidas, sobre certas actitudes e aptitudes de mulleres e homes.
C’est la vie é vida condensada.
Unha reflexión intensa e caleidoscópica sobre o tempo e os seus rastros. Matrioshka tende aquí fíos entre a sorpresa de recoñecerse nese segundo que nos cambia a vida e a excitación de comprender que as horas se aceleran proporcionalmente á velocidade do corazón.
Logo da chegada do home á lúa á humanidade só lle faltaba un reto: a chegada do home a Galicia. No ano 2010 (ano 25 despois de Gayoso), dous intrépidos exploradores tiveron o valor de adentrarse nas descoñecidas terras galaicas a través da ruta xacobea.
GO ON! . Unha odisea cómica no espacio galego.
AUTORES: José Luis Prieto
DIRECTOR: Marcos Orsi
ACTORES: Xoque Carbajal e Jouse García
Esta historia relata a vida dun neno chamado Amadú, que vive nunha aldea de África, moi similar ás aldeas galegas ou doutras aldeas do mundo.
Amadú é un neno que fala no ventre da súa nai. A nai cóntalle que hai unha bruxa que enfeitiza e ten poderes máxicos e que devora a todos os homes que loitan contra ela.
Entón o pequeño Amadú emprende unha viaxe chea de perigos e aventuras que remata coa chegada á Montaña máxica, onde un mago lle conta o segredo da bruxa.
Celebración do día Mundial do Teatro con Mofa e Befa en Pontevea, en colaboración con La Senra Café.
A compañía de teatro Noite Bohemia achégase ao texto de Plauto desde o punto de vista dunha comedia total. Sesenta minutos de gags e situacións irrisorias para crear unha comedia ambientada nunha Roma moi imperial. Soldados, escravos e mulleres de mal vivir para unha proposta de hai 2000 anos moi actualizada.
A compañía de teatro afeccionado Noite Bohemia, dúas veces gañadora do Concurso Nacional de Teatro Grecolatino, leva a escena esta obra de Eurípides, forxada sobre un coro grego numeroso e danzas para trasladar á escena o obsceno da morte, a tolemia dun deus e a prepotencia dun rei.
Visita tetralizada nocturna “Na Noite dos Tempos”
Percorrido nocturno teatralizado en 10 actos pola historia do mosteiro de San Rosendo no que se narran algúns episodios da vida cotiá dos monxes que habitaron o cenobio ó longo dos séculos.
(Máximo 50 prazas)
