Teatro

Este espectáculo xurde da idea de levar ao teatro os sketches que lles fixeron gañar o concurso 'Os Humorosos', do programa Luar da TVG.

Ademais, desexaban contar, sempre desde a comedia, algunhas das aventuras e desventuras do seu paso polo concurso: o proceso de creación, as súas impresións sobre a experiencia televisiva, os antes e os despois, as reaccións...

Este espectáculo humorístico forma parte do programa Cultura no Camiño, que leva teatro, danza, música e novo circo polos concellos onde discorren as rutas xacobeas.

Sinopse: Unha muller, que se achega aos 50 anos, sae unha noite da súa casa e decide non volver. Agóchase nun estudio duns 30 metros cadrados que lle conseguiu unha amiga súa. O estudio está nun barrio humilde, unha zona da cidade que non coñecía moito. Non quere saír de aí. Quere desaparecer durante un tempo. Estar soa. Comer pizza, ver películas e partidos de fútbol. Quere illarse do mundo. Pero por que? Que lle pasou pola cabeza aquela noite cando decidiu deixalo todo? Que é o que lle fixo cambiar a súa vida completamente?

Sinopse: Vicente, que vai ser pai, acode convidado a cear a casa da súa irmá Isabel e o seu marido Pedro, casa na que tamén se atopa o seu amigo Carlos. Máis tarde aparece Ana, a embarazada muller de Vicente que, como de costume, chega tarde. Durante a cea fan todo tipo de suposicións sobre a futura paternidade e, cando preguntan se xa escolleron nome, a resposta deixa a todos abraiados. Desde logo que non é para menos! A partir de aí xérase un debate que vai crear un conflito detrás de outro e que cuestionará o carácter de cada un e a relación entre todas as personaxes.

"Curriculum Vitae" é unha comedia sobre entrevistas de traballo na que se asiste, a través da invisible cuarta parede dunha oficina a esas "curiosas" escenas que teñen lugar entre dúas persoas, cando unha delas está sendo xulgada pola outra para acceder a un posto de traballo.
 
Humillación, enchufismo, ineptitude, abuso... vanse sucendendo nas cinco pezas que compoñen a obra para mostrar a crúa realidade do mundo laboral.

"Lurpias" é o humor, a picardía e os acenos irreverentes dunha compañía de cabaré en tempos de crise, formada por seis mulleres que reafirman a súa independencia.

Con dirección escénica de Fran Fernández Neira e dirección artística de Nelson Quinteiro.

As "Lurpias" serán: Aurora Fernández, Sandra Méndez, Noemi Pinto, Amparo Rodríguez, Rosa Cortiñas e Fran Fernández

Dirixida por Pablo Sánchez (Pablísimo)
Protagonizada por: Juanín Ares Gondell, Iván González (Chús Prieto), María Veiga, Agustín Bolaños, Óscar Manso e Tere Rúa
Técnicos: Jose Manuel Felpeto e María López 

"Desencaixados (Esperpéntica crise) é un espectáculo traxicómico , de creación colectiva , que reflexiona sobre a crise… sen aportar unha solución, a solución pode estar na propia reflexión.

Dirixida por Leandro Lamas
Protagonizada por Quique Vázquez, Lorena Montero, Silvia Casal (Leandro Lamas) e Paula Morado
Técnicos Leandro Lamas e Gena Hernández 

"Un chega desde París, feito un poeta, contando con que o reciban con gaiteiriños, foguetes e copichuelas...e recíbeno desta maneira"

Unha escritora ten un compromiso urxente co seu editorial e necesita presentar a súa obra terminada de inmediato.

O público será quen lle achegue as ideas, o argumento, a trama, as personaxes,... e observarán como esa novela cobra vida en directo.

Unha historia distinta en cada función, O PÚBLICO, será o que propón e os actores faranno.

Espectáculo de improvisación teatral dentro do estilo long form.

Paula Carballeira será a encargada de dirixir e darlle forma a esta nova aventura desde un punto de vista de xénero, que Artur Trillo protagonizará, acompañado en escena do músico Fernando Fraga, un virtuoso do acordeón. Este é o equipo que nos achegará catro historias da autora italiana Adela Turín, publicadas pola editorial Kalandraka.
A montaxe, na que combinamos palabra e música en directo, axudará a desmontar unha serie de ideas impostas e simplificadas, pero fortemente asumidas, sobre certas actitudes e aptitudes de mulleres e homes.

C’est la vie é vida condensada.
Unha reflexión intensa e caleidoscópica sobre o tempo e os seus rastros. Matrioshka tende aquí fíos entre a sorpresa de recoñecerse nese segundo que nos cambia a vida e a excitación de comprender que as horas se aceleran proporcionalmente á velocidade do corazón.