Teatro

En pleno funeral do avó Nuno, a familia apercíbese de que o seguro contratado polo felecido, ofrece a posibilidade de resucitar dixitalmente ao finado, a través dun innovador dispositivo de Intelixencia Artificial. Mentres tanto gozarán dunha semana de fábula nun resort vacacional de alta tecnoloxía. Inicialmente a matriarca: Sabela, decidirá o como e o cando do uso de tal dispositivo, que permite aos familiares conectarse neuronalmente a Nuno e reencarnalo.

Silva vive nunha fonte da Coruña que concede desexos á xente de bo corazón que

bebe dela. Cada ano a fada Pupeiriña, cuxo maior desexo é ser a primeira fada

influencer, axúdaa a conxurar un meigallo que permite que a fonte continúe a ter

poderes. Non obstante o malvado Lambirón envelena a auga e secuestra a Silva. Pupeiriña,

coa axuda do Diantre e dos nosos espectadores, terá que reunir todos os

ingredientes do meigallo e atopar a Silva antes da medianoite para executar o

conxuro e salvar a fonte.

Marta Doviro criouse na Costa da Morte. En “Memorias dunha rapasa da costa” Marta fala do seu periplo polas distintas vilas do lugar nas que viviu durante gran parte da súa infancia ata hoxe. Retrata en clave de comedia, o carácter carismático das súas xentes, experiencias, vivencias e ata historias reais de piratas. Ademáis, como cinéfila empedernida que é, obsequia ao público cun divertido paralelismo entre a nosa realidade (a realidade galega) e a realidade “hollywoodiense” (a que vemos nas películas).

A Toupiña e o seu axudante Protonio andan a buscar ás persoas científicas do futuro e para iso exploran facendo divertidos e dinámicos experimentos utilizando o método científico, promovendo a curiosidade e mostrando a gran importancia que ten o facer preguntas para aprender e avanzar.

Tres investigadores de Europa do leste viaxaron polo camiño de Santiago para desmontar os mitos dos seres ou fenómenos locais. Hoxe, farán un simposium para amosar os resultados da súa aventura. Con axuda dunha máquina da súa invención, serán capaces de convocar os distintos “monstros” dos que falan para amosar a súa falsidade ou non... Percorrerán unha chea de personaxes míticos dos distintos lugares por onde transcorre o camiño dende, Drácula, Lobisome... até as Meigas, a Santa Compaña, o Sacauntos...

Elenco: Marco Aurelio González Ortiz , Neves Rodriguez Roman, Alfonso Espiño Louro, Cristina Fuentes Gutierrez , David Vazquez Rodriguez, Carla Alvarez Gonzalez,Tareixa Martinez Barral e Francisco Javier Villasenín Montoiro.

Sinopse:

Cando Little Neno queda durmido sempre suceden cousas estrañas. Pero estrañas de verdade...

Feira das Sementes é a feira máis pequena do mundo. Unha feira onde nada se vende, onde as sementes trócanse por outras, por un conto, un refrán, unha canción ou unha adiviña.

“Sabela era una nena á que lle encantaba a música. Tanto que pasaba o día cantando, bailando, asubiando... Un día a súa nai dille: E por que non aprendes a tocar un instrumento musical?  A Sabela aquilo pareceulle unha boa idea e púxose a pensar que instrumento quería tocar... pero eran tantos!...”

Baixo esta premisa asistiremos á viaxe fantástica que Sabela fai por varios instrumentos ata ir a dar co seu instrumento favorito (gaita, acordeón, xilófono, pandeireta, ...)

Un espectáculo dan man do “Gran Director de Orquestra”  Caxoto cheo de fantasía e da nosa música 

Hoxe na horta de Brais das Hortas hai concerto. Mellor dito: Consertasso!

Todo da casa!

Grelos e temassos, cun equilibrio variado de formas e estilos - como debe ser nun ecosistema musical diverso e saudable!

A Santa Compaña aparécese entre as patacas cantando un trap.

Hai unha pulga punk da praia de Liméns.

As cabras tiran para o monte e os caracois reivindican o seu ritmo: o reggae.

Entre as cenorias, os lagartos toman o sol ao son dun tumbao-é o propio!-  e os kiwis non paran de brotar bailando ska.

Canta, Buguina, canta!

Canta para nenos e nenas, para viaxar xuntas en igualdade, con amor e respecto.

Soprando a nosa buguina, comezaremos a viaxe polo mar. Visitaremos illas onde viven caracois,

galiñas poñedoras e vacas. Regaremos a herba. Xogaremos coa marea que sobe e baixa.

Cantaremos cancións sobre a lúa e faremos barcos de papel para continuar viaxando lonxe.

Brincamos coa imaxinación recreando animais con obxectos, barcos e illas de papel, un mar de

tea ao son da música e as palabras.