Teatro

De novo sen palabras e co humor como instrumento para chegar a toda a familia, SPASMO móstranos algunhas das obras de arte máis relevantes da historia, os seus autores, datos e curiosidades acerca delas.

Neste percorrido cultural, adentrarémonos polos museos máis significativos do mundo e as súas obras de arte.

Un espectáculo visual e futurista polo seu formato dixital que nos lembra ás aplicacións móbiles destinado aos máis pequenos. Nel combínanse artes escénicas e plásticas cunha gran compoñente didáctica.

“El humor de mi vida” é un espectáculo para rir e chorar e para aprender a enfrontarse aos golpes que dá a vida, “sen perder o sentido do humor nin o sentido común”, según ten explicado a artista.

Los Remedios é un barrio de Sevilla construído nos anos 50. Los Remedios é unha peza na que dous amigos da infancia xúntanse para tratar de entenderse a base de representarse; a eles mesmos, ás persoas que marcaron o seu desenvolvemento, ao contexto social que forxou a súa identidade. Los Remedios é unha viaxe ao que queda no propio corpo: os xestos, os tons, as posturas. É unha autoficción autodestructiva feita por dúas persoas desenraízadas que removen a terra buscando algo ao que agarrarse.

A capacidade de Lope para debuxar personaxes de enorme profundidade sen perder xamais o control da situación escénica, para describir un mundo cheo de aparencias equívocas, ou para cuestionar a rixidez das normas morais e sociais do seu tempo, acadarán nesta hilarante comedia un dos momentos álxidos do teatro do Século de Ouro.

O aire vólvese frío e o ceo empeza a escurecer. Din que algúns cans ouvean e que as abellas se amontoan colapsando a entrada das súas colmeas. Algúns paxaros voan confusos. O tempo para. Todo está en silencio. Todo é escuro. Todo suspendido... sen saber que ocorrerá... coa sensación de que poderiamos permanecer sempre nesta noite infinita... Pero uns segundos máis tarde, quizais uns minutos, ou poderían ser anos, xeracións, milenios ou eóns de existencia, o día chega de novo. Unha profunda emoción invádenos e sentimos o privilexio de sermos testemuñas dun feito incomprensible.

Na madrugada do 15 de outubro de 2016 tivo lugar un altercado ás portas do bar Koxka, na localidade de Altsasu (Navarra), no que varios veciños da localidade, dous axentes da Garda Civil e as parellas destes. . O resultado foron dous detidos e un nocello, o do tenente, roto. En menos de 24 horas, Altsasu convértese nun televisor e o caso nun asunto de Estado. A quenda deste espectáculo prodúcese cando o Colectivo de Vítimas do Terrorismo no País Vasco denuncia os feitos ante a Audiencia Nacional, a pesar de que a instrución do caso xa estaba en curso nos xulgados de Navarra.

Comedia baseada na peza teatral do gran dramaturgo, actor e historiador galego Gustavo Pernas Cora. 

Esta obra podería ser unha reconstrución do noso pasado galaico-caribeño representado en cinco actos nos que diversos galegos, mulatas e negros dan vida a quince personaxes que se desenvolven e transforman segundo van transcorrendo os cambios políticos e sociais en Cuba desde 1886 ata 1990. Escravos africanos, emigrantes e mulatas que mostran coas súas andanzas unha panorámica história en clave de humor.

Tirabeque Ka’avo presenta JoeJufy, The Hunter. Un espectáculo de teatro contemporáneo que profunda no mundo da moda en occidente, facendo evidente a problemática das cadeas de produción, distribución, venda e consumo.

Un espectáculo cheo de simbolismos, desde o vestiario ata a escenografía, que logra unha estética limpa e cativadora como é caracterísitico no mundo da moda, todo isto arroupado pola elegante iluminación de .. Nacho Martín

A compañía Olivas Negras presenta unha comedia familiar de misterio con música en directo, acrobacia e loita escénica. Colombina está farta de traballar de sol a sol e pasar fame, así que lle pide axuda a Arlequín para raptar a bruxa Befana e ter asegurada deste xeito unha boa dose de larpeiradas. Ademais, pedirán cartos polo rescate, o que convence ao avaro Pantalone, que se suma á empresa, pero Pulcinella escoita o plan e xunto co Capitano comezan á súa vez unha busca da Befana para aproveitarse da situación.

Os contos de William Shakespeare fai un percorrido polas obras máis coñecidas do dramaturgo inglés, adaptadas para toda a familia e cunha linguaxe máis próxima. De este xeito, afrontamos tres das pezas máis recoñecidas autor:

• “Romeo e Xulieta”contada con teatro de obxetos,
• “Otelo” convertindo as personaxes da obra nunhas chamativas e coloridas letras e
• “Hamlet”, contado en clave de comedia apartir dun peculiar xogo de cartas no que ninguén pode gañar.

Para nenos e nenas a partir de 4 anos, público familiar.