Teatro

Pasaron 350 anos desde que Gabriel Feixóo de Araúxo escribise en 1671 A contenda dos labradores de Caldelas ou Entremés famoso sobre da pesca do río Miño. 350 anos e o río segue correndo, separando, ou unindo Galicia e Portugal. A peza fala dun tempo e un lugar concreto pero a súa esencia é universal e percorre a historia: as fronteiras, a loita polos recursos e a loita de clases.Nesta historia hai disputa polo dereito a pescar. Hai peixe que non entende de fronteiras e pace onde máis lle presta sen pastor que o guíe.

A partir de textos de William Shakespeare. Rui Madeira, director de Coriolano | María Barcala e Xúlio Lago, directores de Xulio César | Sara Rey, directora de Antonio e Cleopatra | Quico Cadaval, director de Tito AndrónicoShakespeare é una figura da dramaturxia universal que todo teatro público ten o deber de revisitar e incluir cada certo tempo no seu repertorio.Na súa prolífica obra achegouse en catro ocasións ao mundo clásico cos textos, Tito Andrónico (1594), Xulio César (1599), Antonio e Cleopatra (1607) e Coroliano (1609).

Unha comedia coral sobre como ser artista… e muller.
Contra vento e marea, seis intérpretes do presente navegan con seis artistas galegas do pasado nun cruceiro atemporal no que destaparán os seus segredos máis íntimos, para rir delas mesmas e, sobre todo, da estrutura patriarcal do sistema artístico.
Un cóctel de humor e amor, no que as seis intérpretes, súper polifacéticas todas, interpretan, cantan e bailan para falar da ARTE COMO CAMIÑO INEVITABLE.

Cando Little Neno queda durmido sempre acontecen cousas estrañas, pero estrañas de verdade...

Tras descubrir o mundo dos Beatles chega a nova aventura de Little Neno e o seu oso Renato. Nesta ocasión, os nosos amigos espertan nunha cidade de cor rubí. Alí coñecen a Mick, un mozo que quere pintalo todo de negro. Tamén a Little Neno e Renato. Convertido nun mono xigante, Mick perseguiraos por esa extraña cidade habitada polos Rolling Stones e as súas cancións.

El Soldadito de Plomo non é un conto convencional. É unha parábola da vida levada ao mundo candoroso e infantil dos xoguetes. Por iso o seu protagonista, un soldadito cunha soa perna, non só está dotado do carácter e o temperamento que ten que ter un soldado; posúe ademais un corazón tenro e excesivamente romántico, que lle confire en cada pulsación, o valor suficiente para enfrontar as adversidades do destino. Como bo soldado e insigne cabaleiro, nunca se lamentará das súas desventuras e enfrontará os perigos co ímpeto e a fortaleza dun nobre guerreiro.

Coliño

Unha obra musical e sensorial dirixida á primeira infancia, pensada por e para as familias.

COLIÑO é o lugar natural a onde imos dende que nacemos e que buscamos cando necesitamos seguridade, defensa, protección, consolo, ánimo, calor e quentura.

O primeiro COLIÑO é o da nai. Un colo cheo de vida, de latexo, de quentura...cargado de seguridade e amor.

COLIÑO está concibido dende o apego, as emocións e o vínculo afectivo entre os bebés e a súa contorna.

A derradeira banda de comedia da Idade Media quere presentar ante o público un espectáculo coma os que representaban na sua época… pero con tanta festa e tanta viaxe no tempo esqueceron todos os seus diálogos. Ante a imposibilidade de atopar os escritos do seu repertorio, tratarán de improvisar o seu número, deixando que a intuición, o oficio e a música sexan a guía para levar a cabo unha función ao máis puro estilo do seu século.

A música non amansa ás bestas permítenos acompañar a procura creativa, dun compositor, obsesionado coa música. Movido pola súa obsesión, fai un  experimento social, baseado na famosa frase: “A música amansa ás bestas”, pertencente ao personaxe mitolóxico de Orfeo. Desta personaxe, se dicía que posuía un canto e unha forma de tocar a lira, que podía amansar ás bestas máis salvaxes.

A idea primaria é esnaquizalo a cabezadas abraza o espírito inconforme da poeta Xela Arias e recolle o seu impulso de experimentación, para establecer un diálogo entre poesía, artes do movemento e teatro documento. Un roteiro imaxinario, fragmentario e incompleto polo Vigo dos anos oitenta.

A historia de Mirabel e a súa fantástica familia, que viven nunha máxica casiña. Esta maxia dotou a todos os membros da familia dun don único, dende a superforza ata o poder de curar. A todos, menos a Mirabel.

Cando ela descobre que a maxia que a rodea está en perigo, e reencóntrase co seu tio Bruno, xuntos son a última esperanza de salvación para a súa extraordinaria familia.

Goza dunha colorida posta en escea, temas musicais e xuntos coñeceremos os valores que representan cada un dos membros da familia Madrigal.