En 1888 August Strindberg estreaba Señorita Julia, hoxe as súas brutais palabras seguen resoando nos nosos oídos. Era o autor o misógino do que todos falan ou un feminista encuberto? Esta versión pon patas para arriba todo o que se escribiu sobre este texto, un dos máis polémicos da historia.
Unha comedia policiaca en dous actos; un so decorado e cinco personaxes; un asasinato no primeiro acto e puro terror no segundo; un desenlace irónico e inesperado; bo dialogo, ...
Sabes canto podería gañar un autor cunha obra así?. Entre 3 e 4 millóns de dólares, sen contar o merchandising. Se iso non é motivo para cometer un crime xa me dirás ti¡
Unha comedia de Angelo T. Malone
Elenco artístico: Juan J. Vázquez, Sara Zabalza e Inés Valiño
Sara odia a súa vida, ou polo menos a que chaman a súa vida real. Nesa vida real non lle vai nada ben: non ten case amigas e moito menos amigos, búrlanse do seu aspecto, non é brillante nos estudos, nin sequera mediocre. Sara ten a sensación de que podería desaparecer e ninguén se decataría. Pero Sara ten outra vida, na que xoga en liña con ducias de persoas, e ten éxito, e é imbatible nas loitas. Sara pasa cada vez máis tempo nesa vida virtual e menos na vida real. Deixa de falar, de comer, de durmir.
“Último verán en Santa Cristina”, conta o acontecido a un rapaz de 12 anos que, no ano 1960, pasa o seu último verán nunha praia preto da cidade na que vive. Moitos anos despois, cando xa é un home adulto recibe unhas cartas supostamente propiedade da súa nai xa morta e, na lectura destas cartas, rememora o acontecido aquel verán. Como ademais é fillo de militar, o rapaz vive especialmente os acontecementos da sociedade franquista da época: os desfiles na praza da cidade que coinciden coa estancia de Franco no Pazo de Meirás, a poucos quilómetros de onde el veranea.
Convídante ao fantástico castelo dun rei moi peculiar. Grazas ao criado do rei, o amable (e tenso) Jenkins, poderemos participar nun auténtico baile medieval.
Dous prestixiosos e peculiares científicos, o profesor Jekyll e o profesor Hyde, divulgan as súas investigacións sobre un tema que afecta ao cento por cento da poboación de todo o mundo sen distinción de raza, sexo ou condición: A Morte.
Ao longo da conferencia, os dous profesores disertan, dramatizan e dan resposta a preguntas sobre diversos temas relacionados co asunto principal.
A vida. Vivir é bonito ou está sobrevalorado?
A inmortalidade. Como sería o mundo se fósemos inmortais?
Os sinais. Chega a morte sen avisar ou existen pistas que a anuncian?
O tío Ramón de Reborneda ten a mellor figueira da aldea pero deron con ela os merlos e decide facer un espantallo. Desde aquela MERLA VELLA, O GRILO, CAN PENEXO e GATO XIRIMÍA van ter unha relación moi especial co ESPANTALLO AMIGO
Os Quinquilláns adapta esta obra de Xosé Neira Vilas, que é un dos fitos da literatura infantil galega .
Europa, verán do 2001. A cidade de Ragazzo vive a restricción de dereitos sociais máis grande que recorda o continente dende a Segunda Guerra Mundial: fronteiras pechadas, rexistros, detencións… 30 000 axentes recorren as rúas e protexen aos líderes do G8 na súa xuntanza.
Elena (Eva Iglesias) e Carla (Inma Morandeira) son as protagonistas desta comedia de enredo chea de situacións disparatadas. Ambas coñécense por casualidade na sala de espera do xinecólogo. Elena é tradicional e non concibe a maternidade sen a existencia dun pai. Carla, pola contra, é unha executiva á que lle preocupa máis a súa carreira profesional. Entre elas saltan chispas pero o karma é caprichoso e non será, nin moito menos, a última vez que se atopen.
O grupo PatakaMacabra da escola de teatro Airiños presenta Reset. Historia dun futuro roubado, a función terá lugar na sala Arcos Moldes do Auditorio de Rianxo o sábado 11 de xuño, ás 20.30 horas.
A obra é unha creación colectiva dirixida por Amantia Coello.
O elenco artístico está formado por Sara Rial, Irene Ordóñez, Mateo Figueiro, María Alcalde, Celia Blanco, Estefanía Moares, Álvaro García, Katia Lojo, Noelia Fernández, Lara Lapa e Laura González. Coa participación de Teatrinclis.
