José enfróntase a un suceso paranormal que irrompe no seu fogar. O que comeza como un simple incidente doméstico acabará sendo unha loita sen cuartel. José deberá descubrir que segredo se esconde detrás dos fenómenos. Curtametraxe gañadora na sección oficial do Festival de Sitges 2019.
Sofía traballa de limpadora para unha ETT nun colexio. Iván traballa como profesor de patinaxe en extraescolares. Sofía e Iván coñécense pero nunca falaron. Ela mira as súas clases ás agachadas. El, sábeo. Sofía sempre marcha antes de que Iván remate a súa clase. Pero hoxe chove e a actividade ten que cancelarse.
“Os monstros existen. Están no noso interior. E, ás veces, gañan”. Curtametraxe de temática social que mestura terror e comedia inspirada no caso de La Manada. Terceira obra da directora Carlota Pereda, gañadora do Goya en 2019 polo súa curto Cerdita.
Primeiro trabajo de ficción da realizadora viguesa Noemí Chantada, chega cun premio do Festival de Málaga. Unha obra que a través da súa protagonista Aurora busca dar visibilidade á soidade que sofren as persoas maiores.
Toni traballa día e noite pero apenas gaña para subsistir. O seu último cartucho é a autopublicación: acaba de terminar “El Método PIGS”, un manual de éxito persoal co que espera dar un xiro á súa vida e recuperar o amor da súa ex muller.
Unha noite, un peculiar grupo de operacións especiais asalta a Real Academia Española. Traballando en equipo, terán que superar a seguridade e sorpresas que se lles presentan dentro do edificio, ata atopar un obxectivo de gran valor que a institución garda en segredo entre os seus muros.
“Los Bengalas” son unha orquestra formada por catro amigos xubilados que levan máis de 30 años tocando nas festas das aldeas, pero este ano algo cambiou.
Adaptación dun dos relatos do libro Galería de Saldos, do escritor porriñés Diego Giráldez. Mara é galerista de arte e Berthran un tratante de arte cego e posuidor dun Malévich. Ambos atópanse nun momento moi particular das súas vidas que fai que estas cambien para sempre.
Preséntanos un mundo onde os seres humanos son tratados como estes tratan aos animais, establecendo unha forte metáfora sobre a tauromaquia. Poñéndonos no papel do touro, esta curta de animación representa a súa vida coa súa crueza, a súa violencia e a súa falta de liberdade. É unha denuncia aos malos tratos animais. É un berro a favor da liberdade.
Jonas finxe que é cego para entrar nun concurso de baile de televisión, onde coñece á súa atractiva compañeira de baile, Saulé. Pronto convértense nos concursantes máis populares do show. Ao mesmo tempo, Vytas, un vello coñecido de Jonas, sae de prisión con sede de vinganza.
Película gañadora do Premio Glocal in Progress do Festival de San Sebastián.
