Proxección audiovisual

Dende a perspectiva do lema «Museos pola igualdade, diversidade e inclusión», o Museo Arqueolóxico Provincial de Ourense quere facer un acercamento a determinados colectivos que non son público habitual do Museo e valorar cales poden ser os prexuízos ou as barreiras que impiden que haxa unha comunicación fluída. Estas barreiras poden estar na maneira de relatar as historias que os obxectos nos proporcionan ou na maneira en que o Museo se dá a coñecer.

Unha proposta acaída ao tema deste ano «Museos pola igualdade: diversidade e inclusión» é a do Museo Etnolóxico, en Ribadavia, coa presentación en audiovisual da liña de traballo que o MER vén desenvolvendo dende o inicio do confinamento con centros da terceira idade, buscando superar a fenda dixital, mediante a inclusión de persoas que están máis á marxe das novas tecnoloxías.

Facebook/MUSEO-ETNOLOXICO-RIBADAVIA

Twitter/museoetnoloxico

O prestixioso crítico de cinema Asier Mensuro recoméndanos algunhas curtas de animación. Tentando ensinar e entreter a partes iguais, a súa selección afástase das propostas das grandes multinacionais da animación, por todos coñecidas, para centrarse en pezas menos famosas, mais igualmente interesantes, dun alto valor estético e experimental. As curtas recomendadas presentan diferentes técnicas, co obxectivo de mostrar o variado e diverso da arte de animación: 2D, 3D, Stop Motion, Pixelation, Sandanimation, etc.

A etiqueta Novo Cinema Galego cumpre dez anos nun momento estraño, por mor da expansión do coronavirus. Por iso, os principais cineastas vinculados ao fenómeno decidiron poñer en aberto algúns dos seus filmes durante a corentena.

A iniciativa permite recuperar títulos, descubrir novos cineastas e comprobar o talante deste grupo de cineastas que triunfaron nos principais festivais do circuíto, desde Cannes a Berlín ou Locarno. Podes ver todas estas películas en acceso aberto na páxina de Novo Cinema Galego.

Samia é unha moza trintañeira que chega a unha escola de complicada reputación nun suburbio de París para ser a directora. Alí terá que lidar cos problemas recorrentes da disciplina, a realidade social que pesa sobre a escola e o vecindario, pero tamén coa incríbel vitalidade e humor dos estudantes e o resto do profesorado.

Inés prepara a edición do seu libro fotográfico durante os últimos días do seu embarazo. Revive os veráns da súa infancia en Villa La Angostura, ao pé do lago. Os xogos, os pactos de sangue entre irmáns, os desencontros a as lembranzas que non existen cobran vida a partir das fotografías. Reábrense antigas feridas que truncarán as relacións de Inés coa súa exparella, a súa nai e o seu irmán. Iniciamos unha viaxe emocional habitada pola pantasma dun pai ausente, nun evocador exercicio de construción poética da memoria.

#aculturasegue #euquedonacasa

Audiovisuais dende a casa:

1. GaliciaLe Filmes (entrar coas credenciais da biblioteca)

https://catalogo.galiciale.gal/Search/Results?lookfor=&type=AllFields&fi...

2. Novo Cinema Galego

http://novocinemagalego.info/10anosncg/

3. Museo Online do Cine Autobiográfico MOCA

Alemaña, 2010

Dirección e guión:  Angela Schanelec. Fotografía:  Reinhold Vorschneider. Intérpretes: Josse de Pauw, Maren Eggert

Sinopse: Dúas horas no aeroporto de París, Orly. Unha muller moza, de camiño á casa encóntrase cun descoñecido

Reino Unido, 2018

Dirección e guión:  Mark Cousins. Montaxe:  Timo Langer

Sinopse: Recolle os capítulos comprendidos entre o 12 e o 17 e trata as seguintes cuestións: madureza/infancia; economía; montaxe; punto de vista; primeiro plano e surrealismo e soños

Dirección: Mabel Normand
Mabel's Strange Predicament (UEA, 1914)
Intérpretes: Mabel Normand, Charles Chaplin. Sinopse: Un Charlot moi bébedo entra ao vestíbulo dun hotel para telefonar, mais carece de diñeiro
Mabel's Blunder (UEA, 1914) 
Intérpretes: Mabel Normand, Harry McCoy. Sinopse:  unha peza prezada digna de figurar nas posibles antoloxías do slapstick
Caught in a Cabaret (UEA, 1914)