Jonas finxe que é cego para entrar nun concurso de baile de televisión, onde coñece á súa atractiva compañeira de baile, Saulé. Pronto convértense nos concursantes máis populares do show. Ao mesmo tempo, Vytas, un vello coñecido de Jonas, sae de prisión con sede de vinganza.
Película gañadora do Premio Glocal in Progress do Festival de San Sebastián.
Ao decatarse de que á muller que foi o amor da súa vida é diagnosticada de Alzheimer e vivía ingresada nunha residencia, Claude, viúvo xubilado, decide finxir a enfermidade para estar alí, xunto a ela, e facerlle lembrar o seu amor.
Para esta película, o director madrileño Martin Rosete traballou con actores da talla de Verónica Forqué, Brian Cox, Caroline Silhol, Sienna Guillory ou o lendario Bruce Dern, con seis décadas de carreira ás súas costas.
Juan Ochoa ten 17 anos pero xa é condutor de ambulancias en México DF, unha cidade de máis de nove millóns de persoas onde o goberno tan só pon ao dispor dos cidadáns 45 ambulancias. Ante tan desoladora perspectiva, Juan e a súa familia, os Ochoa, decidiron facer negocio, tal e como moitos outros, e montar a súa propia ambulancia privada.
Un desgraciado accidente deixa incomunicada a Elena, unha moza en cadeira de rodas, nunha masía no campo. Alí só ten a Athos, un can especialmente adestrado para axudala. Pero o que debería ser o seu mellor amigo, contraeu unha estraña enfermidade e converteuse no seu peor inimigo.
Potente híbrido entre thriller e terror que lle serviu para ser escollida como Mellor Película no Festival de Cerdanya.
Vivimos nunha sociedade inclusiva? A integración da discapacidade non é un problema persoal: é un problema social. Seguindo ao noso protagonista, que sempre di que «hai que tratar con naturalidade calquera tipo de discapacidade», expomos algunhas preguntas e tentamos atopar respostas.
O pai de Aminodin sempre sorrí porque di que “as persoas alegres viven máis”. Por iso, aos seus oito anos, Aminodin pon o seu mellor sorriso mentres traballa no vertedoiro de Papandayan, onde vive coa súa familia. O seu curmán Aliman, en cambio, perdeu a súa cando na cidade de Marawi empezaron a caer bombas do ceo. Agora, mentres Aliman pasa os días triste e apesarado nun campo de refuxiados, Aminodin idea un plan para que volva sorrir.
Ahmed, Taha e a intimidade entre un pai e un fillo que sobreviven no interior da habitación dun hospital infantil. O director Mateo Cabeza mostra o seu forte compromiso co cinema directo de investigación artística de carácter antropolóxico e vivencial.
En Mozambique, o caso de Josina Machel, filla do primeiro presidente, demostra que a violencia de xénero non distingue entre estratos sociais. Outras mulleres sofren o terror a diario, sen medios para defenderse. O xénero defíneas desde o nacemento; a sociedade quéreas dobregar; o machismo as mata.
No mundo occidental a chegada dun fillo é, en practicamente calquera contexto, unha boa nova. Alegría, ilusión, plans de futuro. Pero… que pasa cando o fillo que chega non é o que pensabamos? Que pasa cando non é o bebé perfecto e san que esperabamos? Que pasa se non é “normal”?
Crúa, pouco feita, ao punto, feita e moi feita. A través de relatos íntimos e persoais, cinco mulleres comparten as súas experiencias en relación co corpo, desde a infancia ata a terceira idade.
