Proxección audiovisual

O fillo adolescente de Leyre (Maribel Verdú), un ama de casa acomodadamente divorciada, mata ao seu pai nun arrebato. Ela decide facer o imposible por ocultalo, desatando ao seu pesar unha caótica onda de crimes na cidade de Bilbao. Mentres, a nova esposa do defunto (Paula Echevarría) e a súa implacable avogada (Juana Acosta) tratan de ocultar a zumenta trama de corrupción na que se movían. Pero non contaran coa perseveranza da parella de inspectores da Ertzaintza (Antonio Resines e Raúl Pena) encargados do caso.

Todos os días o ocioso Sr. D'Abondo e o seu fiel criado Rosendo atravesan a Fraga Cecebre exclamando: 'Así divos sálveme se non me parece que estivese animado o bosque enteiro'. Un día uns homes plantan un novo inquilino, un engreido poste de teléfono. Aquí comezan os problemas, e se hai un experto en problemas, ese é Furi, un pequeno e simpático topo namorado de Linda, e que un día desaparece xunto con toda a colonia de topos da fraga. Os habitantes do bosque aliaranse para solucionar os problemas da fraga e levar de novo a harmonía e a felicidade ao bosque.

Salome (1905) supuxo a consagración de Richard Strauss como operista tras unha importante etapa como compositor de poemas sinfónicos.

Un afamado director chega a Cangas do Morrazo para reconstruír no teatro a historia de María Solinha, acusada de bruxería e queimada pola Inquisición no século XVII. A protagonista da obra de teatro vai sufrir, no século XXI, acedos ecos da agresión que sufriu María Solinha no século XVII.

A proxección irá precedida dunha presentación e seguida dun coloquio con participación do director e/ou de actores do filme.

Presentación do director, Ignacio Vilar: 21h00

Proxección do filme: 21h30

Coloquio co director: 23h30

Pouco tempo despois de chegar a Roma, alguén que coñecía o meu traballo co documental e coa miña historia familiar, puxo nas miñas mans unha correspondencia. Eran cintas de casete gravadas por un home que falaba a unha muller. Ao longo de 30 anos enviou esas cintas a América, e nelas contábase o que parecía unha intensa e estraña historia de amor. Eran moitas horas de material, e eu debería decidir se tiñan algún valor e se quería facer algo con iso.

Álex, unha nova cineasta, quere filmar un documental sobre os seus pais, que se coñeceron en Muros na sala de festas Paraíso, en 1989. Ela tiña 19 anos, el 25. Como tantas outras familias, emigraron e andaron dando tumbos dun lado a outro, deixando que a vida decidise por eles. Vinte e cinco anos despois, atopamos a Eva de volta en Muros coidando do seu pai e traballando no supermercado que abriron no mesmo local que ocupaba a sala de festas. Antonio segue en Canarias. Álex acaba de terminar un máster de cinema en Barcelona e viaxa ao seu pobo natal para facer o seu primeiro documental.

Ano 3000. Gepetto é un xenial inventor da cidade de Scamboville que crea a Pinocho: un pequeno robot coa personalidade dun neno de carne e óso. Pinocho está disposto a calquera cousa para conseguir o seu soño: converterse nun neno de verdade. Geppetto non comprende por que o malvado alcalde está tan celoso del, cando ten unha filla marabillosa. Pero o nobre Gepetto non comparte ese sentimento de odio, máis ben compadece do alcalde, o que fai enfurecer máis aínda a Scamboli.

Nalgún lugar de España, un samurai espera paciente para cumprir unha misión que outrora lle foi encomendada: protexer a Chave de Izanagi do mal. A Chave, formada por poderosas pezas, pecha unha porta que franquea o limiar do mundo. Gisaku é a historia dunha loita entre o ben e o mal, na que un grupo de personaxes moi opostos deberán traballar en equipo para impedir a Gorkan, o Señor das Tebras, que cumpran o seu obxectivo: invadir o mundo cos seus hordas demoníacas.

A Imaxinación e o Mundo de Fantasía están en perigo. Mar, unha nena de 8 anos experta en contos e lendas grazas aos libros que o seu avó lelle cada noite, decide tentar salvalos coa axuda dos seus amigos Os Lunnis e xuntos deberán evitar a súa desaparición. O malvado Cru odia a fantasía porque carece de imaxinación e pretende acabar co Libro Máxico que contén todas as historias inventadas pola Humanidade, do que é gardiá Lucrecia.

Nun pobo da costa galega vive Mario, un home exemplar. Na residencia de anciáns na que traballa como enfermeiro todos aprécianlle. Cando o narcotraficante máis coñecido da zona, Antonio Padín, recentemente saído do cárcere, ingresa na residencia, Mario trata de que Antonio senta como na casa. Agora, os dous fillos de Padín, Kike e Toño, están ao mando do negocio familiar. Pero un fallo nunha operación levará a Kike ao cárcere e xeraralles unha gran débeda cun provedor colombiano. Toño recorrerá ao enfermeiro para convencer ao seu pai de que asuma a débeda.