A consciencia de Sam comeza a viaxar polo espazo tras ser asasinado para penetrarse na mente dos seus mellores amigos nun intento de evitar que eles corran a sua mesma sorte. O percorrido acábase convertendo nunha aventura moito maior do que imaxinaba que lle leva a descubrir a súa verdadeira identidade.
Sarah é unha estudante adolescente que toca fondo animicamente tras fuxir de casa. Unha vez soa, non ten a ninguén que lle axude a superar os seus recorrentes pesadelos. A súa única oportunidade de sobrevivir pasa por participar nun estudo universitario na que establece amizade co científico supervisor, chamado Jeremy. Con todo, hai algo estraño no procedemento ao que se somete, e co paso dos días os pesadelos de Sarah empezan a empeorar.
Vivien (Katie Douglas) é unha adolescente de 16 anos que está atrapada na Academia Vestalis, un internado que se asemella a unha prisión, e na que é preferible non ter amigos e manter un perfil baixo. A súa vida cambia repentinamente cando se reencontra con Sophia (Celina Martin), unha antiga amiga que a traizoou no seu día. Xuntas embárcanse nunha procura para descubrir a terrorífica verdade que se esconde tras o seu encarceramento. Antes de darse conta, ambas tratarán de loitar por sobrevivir e salvar a súa propia vida.
Regine (Amber Anderson) é unha muller moi fráxil psicoloxicamente que se esconde na cidade, lonxe da escura zona rural na que pasou a súa traumática infancia. Loita por construír a familia que nunca tivo e por superar o seu pasado, pero por encima de todo, de deixar atrás o desastroso nacemento do seu irmán Isaac, que se saldou coa morte do bebé e cunha nai que perdeu a cordura. Por desgraza, a cidade é hostil e estresante, coas súas propias ameazas.
Un chofer acompañado do seu asistente, un sacerdote e dous policías, deberá enfrontar os poderes da escuridade e o veleno dos seus pecados no medio da selva panameña de Chrunqui co vello autobús chamado Diaño vermello como o seu único refuxio. Primeira película de terror panameña.
Unha muller dos suburbios loita para que a xente crea que realmente está a ser perseguida por unha figura que a atosiga noite tras noite cando regresa a casa. Tras comprobar que ninguén da súa contorna cre nela, decide solucionar o problema pola súa propia conta.
Elena é secuestrada de nena e confinada ao inferno. Anos despois reaparece e reencóntrase con Facundo, o seu irmán, pero Elena levará á súa familia ao terror do seu pasado.
Un novo profesor sofre un accidente que lle fará permanecer cinco anos en coma. Ao espertar, descobre que posúe poderes extrasensoriales, polo que a policía pedirá a súa colaboración para resolver unha serie de asasinatos.
É unha noite tormentosa en Montevideo en 1992. Un cinema con certo aire decadente está aberto. Alí exhíbese unha película de terror italiana titulada A morte xamais vista, que atrae a atención duns poucos asistentes. A sala non conta co seu proxectista habitual, substituído pola súa filla. Nesa tardía función, aparecerá un sombrío personaxe coa intención de asasinar a todos os espectadores.
O ciclo incluirá as seguintes longametraxes rodadas en galego:
Longa noite (Caldas de Reis)
Arima (A Rúa, Tui e Baiona)
Trote (O Porriño e Pantón (en colaboración co Consorcio de Turismo Ribeira Sacra) )
O que arde (A Estrada, Mos e Vigo)
Eroski Paraíso (Negreira)
Alí onde se proxecte Arima, o público contará coa presenza da directora do filme, Jaione Camborda, con quen se establecerá un coloquio. No resto dos casos, haberá dobres pases da película.
