Proxección audiovisual

A fábrica galega de louza Pontesa pechou en 2001. Vinte anos despois, á espera de sentenza sobre a súa reclamación de débeda pendente, un grupo de traballadoras lembra o símbolo da súa liberdade individual, a súa emancipación económica e a súa loita sindical. Nieves, Ester, Manuela, Carmen P. e Carmen A. manteñen viva a pelexa polos dereitos da muller na España do século XX. A historia das súas vidas desprégase en presenza da esfinxe: reclama a memoria das operarias do téxtil, a louza e a conserva e anuncia voces e arquivos que engarzan tempos e corpos diferentes. Traballar sen cobrar?

Unha muller, despois de perdelo todo durante a recesión, embárcase nunha viaxe cara o Oeste americano vivindo como unha nómade nunha caravana. Tras colápsoo económico que afectou tamén á súa cidade na zona rural de Nevada, Fern toma a súa camioneta e póñense en camiño para explorar unha vida fóra da sociedade convencional como nómade moderna.

A descoberta da democracia e o desmantelamento do último imperio colonial europeo tralo golpe militar do 25 de abril de 1974 colocaron a Portugal no primeiro plano da actualidade internacional. Durante a Revolução dos Cravos algúns dos maiores fotógrafos e documentalistas do mundo desembarcaron en Lisboa para recoller as imaxes deste acontecemento: Glauber Rocha, Robert Kramer, Thomas Harlan, Pea Holmquist, Sebastião Salgado... Que foi o que descubriron en Portugal? Cales eran os seus soños e expectativas? Que quedou do soño revolucionario?

A existencia da fotografía dunha nai co seu bebé no arquivo da PIDE, a Polícia Internacional e de Defesa do Estado,  sérvelle a Susana de Sousa Dias como punto de partida para narrar, coma xa fixera en filmes anteriores (48 ou Natureza morta), algunhas historias que están detrás dos mecanismos de represión política da ditadura portuguesa. A través da rede de memorias políticas e persoais dos fillos do militante comunista Octávio Pato (1925-1999), Luz Obscura reflexiona sobre o poder, a imaxe, o recordo e os efectos que tivo un sistema autoritario na intimidade dunha familia.

No Alentexo, no sur de Portugal, decenas de grupos amadores reúnense regularmente para ensaiar antigos cantes polifónicos e para improvisar modas sobre o tempo presente. Nacido nas tabernas e nos campos de cultivo, o cante alentexano transmitiuse ao longo de xeracións e atravesou as fronteiras da rexión que lle deu orixe.

A segunda sesión do ciclo traeranos unha das películas fundamentais do cinema alemán, precursora do Expresionismo: EL GÓLEM (1920, Paul Wegener), un conto de terror inspirado nunha lenda xudía do século XVI que conta a historia dun rabino nigromante do gueto de Praga que crea unha figura de arxila que, traída á vida por un demo, encargarase de protexer aos xudeus da cidade.

Tom, un adolescente tímido e sensible, chega novo a un instituto. Para axudarlle a integrarse, decide escoitar os consellos de Léo, o seu irmán maior e un verdadeiro mestre. Léo está decidido a facer de Tom un tío enrolado, pero o seu omnipresencia vólvese rápido unha carga negativa.

Nina e Madeleine, dúas mulleres xubiladas, están secretamente namoradas desde hai décadas. Aínda que para os demais non son máis que dúas veciñas, veñen e van dunha casa á outra compartindo a tenrura dunha vida en común. Ata que un día, a súa relación dá un xiro por mor dun suceso inesperado.

Nunha remota cidade islandesa, un xefe de policía retirado comeza a sospeitar que un home tivo un romance coa súa esposa, quen recentemente morreu nun accidente automobilístico. Aos poucos, a súa obsesión por descubrir a verdade acumúlase, mentres comeza a poñerse en perigo a si mesmo e aos seus seres queridos.

Chris Wilton (Jonathan Rhys Meyers) é un ambicioso e novo profesor de tenis con escasos recursos económicos. Grazas á súa amizade con Tom Hewett (Mattew Goode), consegue entrar na alta sociedade londiniense e namorar á súa irmá Chloe (Emily Mortimer). Tom, pola súa banda, sae con Nola Rice (Johansson), unha atractiva americana, da que Chris se encapricha nada máis vela. O azar, a paixón e, sobre todo, a ambición levarán a Chris a cometer accións que determinarán a súa vida e a dos demais para sempre.