En véspera de vacacións, Prune vai á tradicional excursión escolar de fin de ano. Pero unha incrible tormenta de neve cae sobre a cidade. Este conto de inverno é precedido por tres historias encantadoras onde as árbores cobran vida e xogan diferentes papeis.
En Solby, un porto pequeno e tranquilo, a vida é doce para Mika e Sebastian. Ata o día en que atopan unha botella no mar. Dentro hai unha pequena semente e unha mensaxe misteriosa. Dubidan se sería enviado por JB, un amigo que desapareceu hai un ano. Nada máis plantar a semente, embárcanse nunha aventura extraordinaria feita de monstros mariños, piratas abominables e peras xigantes.
Un caracol anhela ver o mundo e sóbese á cola dunha balea. Xuntos emprenden unha viaxe incrible, atravesan témpanos e volcáns.
A través da vivencia persoal da guineana Bari Fatimatah e o marfileño Kone Mohamed, a curta documental Tras la valla pretende reflectir a difícil situación das persoas migrantes que chegan a Marrocos na procura dunha vida mellor. É tamén unha crítica ás políticas migratorias, que se endureceron nos últimos anos para intentar frear a chegada de persoas migrantes a Europa.
Os Centros de Internamento de Estranxeiros (C.I.E.s) en España son buracos negros para os Dereitos Humanos: sendo cárceres para persoas inocentes, que son encerradas sen cometer ningún delito, mantéñense ocultos á opinión pública, dificultando o acceso a xuíces, xornalistas e ONGs. MAKUN (NO LLORES) é un documental de animación que dá vida aos miles de debuxos atopados nas paredes dun C.I.E.
Rematados os seus estudos de dereito e medicina respectivamente, Antonio (Fernando Fernán-Gómez) e Josefina (Analía Gadé), unha parella de recén casados, buscan traballo para poder mercar un piso e comezar unha vida xuntos, pero tropezan con enormes dificultades.
Taisto Kasurinen sufriu varias desventuras nos últimos tempos. Despois do suicidio do seu pai, é acusado dun crime que non cometeu e polo que o encarceran nunha prisión finlandesa. Ante esta desafortunada situación, a súa única vía de escape é soñar con deixar a súa vida atrás e comezar unha nova no estranxeiro. Cando consegue escapar, as cousas non saen como imaxinaba.
Segunda entrega da "Triloxía do proletariado" de Kaurismäki.
1863, Estados Unidos de América. Martha Jane viaxa coa súa familia nunha caravana cara o oeste coa esperanza dunha vida mellor. No medio do traxecto, o seu pai resulta ferido, polo que é ela quen ten que conducir o carro familiar e coidar os cabalos. Aprender é difícil e, aínda así, nunca se sentiu tan libre. Para poder montar mellor decide poñer pantalóns e, despois, corta o pelo. Xera, así, unha enorme polémica que sacará a relucir o seu verdadeiro carácter ante as innumerábeis dificultades que se lle presentan nun mundo salvaxe e no que todo é posible.
Un día de traballo nunha aldea do norte de Portugal. Camiños desertos de vento inquietante. Catro vellas, o campo, o pan, as galiñas. Historias de xestos saboreados en palabras mineralóxicas. Unha familia de dez fillos nunha granxa somérxese na inmensidade do tempo. O pai corta unha árbore. Máis alá, a auga dun río habitado por xente. Unha barca, o sol, a praza da vila, a ponte en construción, o balcón, a comida, a densidade e o misticismo do domingo, a misa e a festa. Nese lugar, Isabel móvese coa mirada posta no futuro. Para os demais, o sentido da vida é só vivir.
Cuna (España, 2016)
Dirección, guión,fotografía e montaxe: Lucía Estévez
Sinopse: Un filme construido arredor dun regreso á casa de infancia do pai.
Muller personaxe (España, 2018)
Dirección, guión,fotografía e montaxe: Lucía Estévez
Sinopse: Retrato á actriz en producións galegas.
A danza filmada (España, 2021)
Dirección, guión,fotografía e montaxe: Lucía Estévez
Sinopse: Video-ensaio con historias que teñen en común a danza.
