Pop/rock

Ao longo das nove cancións de Muerdesombra, o grupo crea unha descarnada banda sonora para o universo particular de Manuel Cabezalí, encadrado esta volta nas fronteiras da ciencia ficción e as chiscadelas a un dos seus autores favoritos, o norteamericano Brandon Sanderson. Muerdesombra mantén os sinais de identidade da banda: rocosas bases pesadas, liñas de baixo concisas, que morden e deixan espazo para que a voz hipnótica de Manuel Cabezali nos introduza nun mundo no que é doado entrar pero difícil saír.

Ivan Ferreiro está de xira co seu último traballo, Casa.

O artista viaxará á súa terra para realizar a presentación das súas últimas cancións, pero tamén fará un repaso polos seus clásicos temas máis soados durante toda a súa carreira discográfica.

CHUPADESKAY presenta o seu disco grabado entre Amsterdam, Londres e Galicia en formato acústico. Concerto de 50 minutos aproximadamente cos 14 temas do disco e co n coñecidas versións do pop rock anglosaxón. No seu directo, CHUPADESKAY tamén nos ofrece varios temas en galego, entre os que destacan "Chundadance" ou "La chupa de skay".

Fernando Esclusa (Guru Deva), Fran Castro (ex Strauss, Mr. Dixie Jazz Band) e Fernando Lamas (Lovely Lúa, Mr Dixie Jazz Band) proxectaron as súas obsesións musicais cara á década dos sesenta. Estes mozos e xa veteranos músicos  xuntáronse co san obxectivo de reverenciar tan inmenso legado do pop-rock anglosaxón de formacións tan extraordinarias como The Beatles, The Kinks ou Small Faces que se mesturarán de maneira explosiva co variado cocktail de artistas tan estrañados do rock hispano como Os Salvaxes, Os Bravos, Fórmula V ou Os Brincos.

NUEVO PLAN é unha Banda ferrolana, especialista en versións da época dorada do Pop-Rock español,
Dende Loquillo, Burning, Alaska, Los Secretos, La Frontera, Los Rebeldes, La Guardia, Nacha Pop, Ilegales,  etc...
Se che gusta o pop-rock español dos anos 80, esta é a túa banda!!
A banda está formada por:
 
Coke Blanco (guitarra y voz)
Marcial Badía (batería)
Victor Gacio (bajo y coros)
Sarita Couce (Voz y guitarra acústica)
Cabe García (guitarra solista)
Pablo Castano (saxo)
Alfredo Susavila (teclado)

Agoraphobia lanza o seu primeiro EP, "Dirty Little Things" a finais de Setembro do 2014, tras ter gañado o concurso de talentos musicais VODAFONEyu. Foron seleccionadas entre un gran número de propostas de toda a península.

Compartiron escenario con grupos de primeira liña nacional como Russian Red, The Zombie Kids, Lori Meyers, Wally López ou Delorean e teñen tocado xa como cabezas de cartel en festivais da relevancia do Brincadeira, Son Rías Baixas ou o Castelo Rock. Agora preparan o seu salto a nivel nacional e internacional.

Unha banda que, sen encher estadios nin desorbitadas vendas de discos, influenciou a xeracións posteriores dedicadas ao rocknroll en castelán.

20 euros (+gastos) anticipada
Venda de entradas: www.salacapitol.com / www.ticketea.com / A Reixa Tenda

Captain Boy é o Alter-ego de Pedro Ribeiro, músico portugués que se atopa nestes momentos presentando o seu recente disco 1.

A Sala Riquela ofrécenos a oportunidade de gozar dun directo sincero e espido, no que este músico e a súa banda amosarannos o seu traballo da maneira máis directa.

Máis información, aquí.

Da man de Santiautor, Rozalén presenta en Santiago un concerto único en Galicia: arroupada por toda a súa banda e na recta final da súa xira de presentación de ‘Quién me ha visto…’. o seu segundo álbum composto por nove cancións asinadas íntegramente por ela e outras tres de autores como Luis Eduardo Aute ou Fetén Fetén.

O álbum entrou directo ao número un na lista de vendas española.

Ith, o grupo de rock que toma o seu nome do fillo de Breogán, estrea no 2016 o seu proxecto “FORTE”. Este último traballo está cheo de temas que navegan entre o Rock e o Pop máis enérxico. Todas as cancións están escritas en galego e son de  composición propia. Todo unha aposta “FORTE”.

Este álbum, que Ith presenta en 2016, foi totalmente autoxestionado, dende a súa creación, gravación e ata os labores edición.