Obradoiro

O obxectivo deste obradoiro é fomentar a habilidade creativa despois de ler e comprender un conto ou relato da nosa tradición oral. Para iso pasarémolo a papel cartón, creando unha imaxe en tres dimensións para que os participantes poidan entender o proceso de pasar a linguaxe plástica tridimensional un libro de tradición oral. Cada participante creará o seu propio libro de autor.

Público: de 6 a 12 anos

Duración: 90 minutos

Prazas: 20

De balde, precisa inscrición na web

“Aventuras literarias” é un proxecto que se vai a impartir en tres sesións (22 xaneiro, 11 febreiro e 11 de marzo) , tratándose un conto diferente en cada unha delas. Neste obradoiro o obxectivo é traballar a promoción dos hábitos lectores e a animación á lectura; Vai dirixido a un público a partir de 7 anos e ata 12 anos, polo que esta actividade está creada cun formato que se adapta ás características desta franxa de idade, a medio camiño entre a nenez e a adolescencia.

Bonecos en escena espertará a creatividade e a imaxinación dos participantes, que deberán confeccionar os títeres para unha peza de teatro que será gravada e distribuída entre as familias. Na primeira sesión realizaranse xogos de presentación, lerase o conto A ratiña presumida e farase a distribución de personaxes. Na segunda sesión, confeccionaranse os títeres con material de refugallo; ensaios e gravación da peza de teatro con títeres. Na última sesión, terá lugar a montaxe e visionado público da peza de teatro.

Obradoiro baseado na creación de híbridos de animais. Baseado no libro ilustrado por María Sánchez Lires O meu pesadelo favorito, de María Solar, recrearase o que acontece no laboratorio de que saíron Dinorrinco e Hipodrilo, para que os cativos e a ilustradora inventen novas criaturas resultantes de mesturar varios animais. Un obradoiro para nenos e nenas de 6 a 12 anos.

Actividade dentro das celebracións do Día da Ilustración, que se festexa o 30 de xaneiro.

A cantante Uxía e o acordeonista Santi Cribeiro desenvolven en dez concellos da Rede de Dinamización Lingüística este obradoiro para familias con nenos de 4 e máis anos, ás que se lles pedirá que axuden a contar un conto musical de Nadal unindo as súas voces ás dos dous músicos e acompañándoas con instrumentos de percusión que lles serán entregados para a ocasión. Deste xeito, irán coñecendo panxoliñas, xaneiras, cantares de reis e aguinaldos que poderán repetir nas súas casas durante as festas, para celebraren en galego estas datas tan especiais.

O Nadal é tempo de xoguetes e a Rede de Dinamización Lingüística quere apoiar os xogueteiros que os desenvolven na nosa lingua, animar os pequenos e pequenas a empregala nos seus xogos e aos seus pais e nais a transmitirlles o idioma propio de Galicia compartindo con eles espazos e tempos de ocio en galego. A empresa Brazolinda será a encargada de desenvolver este Nadal, en 10 concellos da Rede, un obradoiro para familias con nenos entre os 2 e os 10 anos que responda a estes obxectivos.

Con Martaelena achegámonos a unha das figuras máis recoñecibles da literatura e ao seu mundo máxico. Sábado 10 ás 12 horas. Para rapaces de 7 a 12 anos.  

Con motivo das exposicións actuais do CGAC neste taller, nenos e nenas mergullaranse dentro das infinitas posibilidades da creación artística a través da investigación e experimentación con diferentes materiais. Elementos como o sal, a area, a tea, o acetato, o fío, o feltro ou parafina converteranse nos compañeiros nunha viaxe dende o máis visual ata o máis subxectivo.

Neste taller de movemento os nenos e nenas experimentan a través do seu corpo as sensacións que desprenden a natureza e a arte. Poden sentirse auga, vento, terra, sol... Traballan a escoita activa, a presenza e a ausencia, a pesadez e a lixeireza, a verticalidade e a horizontalidade, o tacto e o contacto, o intercambio de roles, a cor, a palabra e a poesía. Deixarase que o corpo fale creando unha peza escénica coa obra de Eva Lootz e de Berta Cáccamo como marco.

Idade: 4-6 anos/ Horario: 11:00-13:00 h/ Prazas: 15

Un extraterrestre que viaxa polos sumidoiros, un dinorrinco, un hipodrilo, unha repartidora de bicos...estas son algunhas das persoaxes que viven nos soños de Manuel, un neno con febre. Da man da ilustradora de "O meu pesadelo favorito" coñeceremos a estas e outras persoaxes coas que nos divertiremos facendoas tamén froito dos nosos soños...ou pesadelos.

Actividade a cargo da ilustradora María Lires

Esta actividade forma parte do programa Ler conta moito, da Rede de Bibliotecas de Galicia.

HORA: 12 H.