Obradoiro

O segundo e cuarto mércores de cada mes ás 18 horas, os nenos e nenas maiores de 9 anos aprenderán a crear marionetas coa voluntaria da biblioteca de Ourense Fatiropina. Precisa inscrición

Obradoiro de animación audiovisual en stop-motión, creación de movemento foto a foto. Neste taller adaptaranse obras literarias á linguaxe audiovisual.

Esta actividade forma parte da programación de dinamización lectora Ler conta moito, da Rede de Bibliotecas de Galicia.

Obradoiro de divulgación para coñecer a riqueza léxica vinculada co mar.

Actividade do programa de dinamización lingüística de Ler conta moito, da Rede Galega de Bibliotecas.

Obradoiro para aprenderlles os cativos a ser libres en cuestión de roles e estereotipos de xénero. A actividade comeza cun teatro de sombras nos que para descubrir como son os personaxes, os rapaces e rapazas teñen que imaxinalos ou debuxalos. De seguido, constrúen un atrapasoños natural.

Esta actividade creativa forma parte do programa de dinamización lectora Ler conta moito

No taller utilizase o método zentangle para decorar un caderno de lectura.

É unha técnica sinxela que consiste en trazar patróns repetitivos creando belas imaxes e fomentando a tranquilidade e a concentración, desenvolvendo a creatividade e a sensibilidade artística.

Actividade do programa de dinamización lectora Ler conta moito.

Hai máis de corenta anos un grupo de mozos decidiron que a arte podía facerse a través da unión de imaxes e do uso da nosa lingua.

Ao igual que en moitas das súas obras, nesta actividade de Ler conta moito farase unha viaxe polo tempo e polos mundos que os nosos autores crearon.

Neste tipo de encadernación unhas grosas tapas enlázanse no corpo do libro para protexer o conxunto de caderniños que o forman. Esta técnica utiliza costuras en forma de cadenetas expostas á vista do lombo, cumprindo unha función estrutural e tamén decorativa.

Este sistema de encadernación precisa de poucas ferramentas aínda que fai falta habilidade e tempo para levala a cabo correctamente e conseguir o resultado esperado.

Número de prazas: 15

Destinatarios: para público adulto, a partir de 14 anos

Todos somos artistas. Baixo esta premisa, a Cidade da Cultura -da man de Aire centro de Arte e no marco da exposición Con-Fío en Galicia- pon en marcha a iniciativa Arte é Moda, unha serie de obradoiros nos que recoñecidas artistas e novas creadoras como Chelo Matesanz, Melania Freire, Lula Goce e Carolina Cruz Guimarey convidarán a reinterpretar os conceptos de deseño, moda e téxtil, e tecer, así, novos espazos no Museo Centro Gaiás.

Charla - Obradoiro acargo dun grupo de estudantes chineses de intercambio na USC, coordinados por. Wang Quan (汪泉) e por Miguel Cortés Hernández.

A tradición musical chinesa tan diferente da nosa, está chea de misterio e beleza. Coñecemos os personaxes e coloreamos as máscaras que os simbolizan. 

Para nenas e nenos de 6 a 14 anos. Precísase inscrición previa, máximo 20 participantes.

Lugar: Sala Infantil

Obradoiro de papiroflexia a cargo dun grupo de estudantes chineses de intercambio na USC, coordinados por Wang Quan (汪泉) e por Miguel Cortés Hernández.

Unha tradición oriental na que a atención, a habilidade e a memoria conxúganse coa creatividade e o entretemento.

Para nenas e nenos de 6 a 14 anos. Precísase inscrición previa, máximo 15 participantes.

Lugar: Sala Infantil