Desde unha aproximación experiencial, asertiva e moi humorística, neste obradoiro tratarase de contar a propia experiencia do autor, empatizar coas inquietudes do público e amosar o proceso de creación básico dunha viñeta ou dunha banda deseñada: desde a inspiración e idea inicial ata a plasmación final sobre o papel ou soporte dixital.
Obradoiro dentro do programa Ler conta moito, da Rede de Bibliotecas de Galicia.
Obradoiro lúdico educativo, que nos achega, dun xeito ameno e participativo, este fascinante mundo. Mediante unha dramatización moi visual, amósanse todos os pasos da elaboración dunha película; desde a creacion do guión ata a dobraxe, que -como non- os asistentes realizan.
Obradoiro dentro do programa Ler conta moito, da Rede de Bibliotecas de Galicia.
Nenos e nenas: 6-12
O debuxo rítmico é unha proposta que desde a música ordena os primeiros trazos de garabateo ao conectar ritmo, palabra e gráfico. A través da canción e a música traballaremos o corpo, as partes do corpo e o movemento de cada un deles. A nena ou neno seguirá o rítmo camiñando, correndo, saltando e repetindo coa voz até debuxar no aire os trazos que escoitaremos na canción.
Obradoiro dentro do programa Ler conta moito, da Rede de Bibliotecas de Galicia.
Nenos e nenas: 3-12
Un paseo polos álbumes ilustrados, polo seu proceso de creación e as súas partes. Unha experiencia creativa a partir das palabras para convertelas en ilustracións.
Obradoiro dentro do programa Ler conta moito, da Rede de Bibliotecas de Galicia.
Nenos e nenas: de 3 a 18 anos
Colectivos con necesidades especiais: Persoas con discapacidade psíquica, sensorial, motora. Duración: 90 minutos
Neste obradoiro para Ler conta moito utilizarase o método zentangle para decorar un caderno de lectura. É unha técnica sinxela que consiste en trazar patróns repetitivos que crea belas imaxes e fomenta a tranquilidade e a concentración, desenvolvendo a creatividade e a sensibilidade artística.
Nenos e nenas: 7 - 12
Neste taller de Ler conta moito procúrase fomentar a creatividade dos nenos, a escoita, e darlles a coñecer ás novas xeracións a narración oral galega máis antiga.
Nenos e nenas: de 4 a 8 anos
Alguén roubou un valioso manuscrito na biblioteca. Afortunadamente téñense restos biolóxicos do ladrón. Para descubrilo haberá que extraer ADN das mostras e comparalo cos sospeitosos.
No obradoiro de Ler conta moito resolverase o caso con material de cociña e aprenderemos que é a biotecnoloxía.
Nenos e nenas a partir de 6 anos
Actividade creativa para Ler conta moito que une literatura e plástica na que as rapazas e os rapaces elaborarán bonecos dos personaxes dun conto que inventarán coa axuda da galiña Rosiña. Como todas as galiñas do mundo, Rosiña pon ovos, pero non son uns ovos normais. Os ovos de Rosiña son uns ovos de conto. Queredes unha ducia na vosa biblioteca?
Nenos e nenas: 3 a 9 anos
Neste obradoiro para Ler conta moito o que se procura é fomentar a creatividade dos nenos, a escoita, e darlles a coñecer ás novas xeracións a narración oral galega máis antiga.
Nenos e nenas: de 4 a 8 anos
Unha das mellores formas de espertar a curiosidade e aprender é mergullándose na lectura, e tamén experimentando.
Este obradoiro de Ler conta moito leva por toda Galicia unha mostra do Museo Científico, con mais de 15 obxectos, co lema Prohibido non tocar.
