Obradoiro

Nesta actividade os participantes poderán coñecer algunhas criaturas mariñas misteriosas protagonistas do cinema de ciencia ficción. A través dunha charla dinámica farase un repaso pola maioría delas, dende as que foron lendas no século de ouro da navegación ata as criaturas protagonistas da ciencia ficción. Luras xigantes, baleas con sentimentos de vinganza, extraterrestres con morfoloxías mariñas, reptiles mariños monstruosos...serán algúns dos exemplos das temáticas a tratar.

Como soaba a música na prehistoria? Cal sería a canción de moda do verán hai 14.000 anos?

Nesta actividade didáctica poderemos descubrir a música daqueles tempos, aproximándonos aos diversos restos arqueolóxicos e ao rexistro etnográfico como referentes.Poderemos entender a música como unha forma de comunicación e unha das formas de divertimento máis antigas. Os participantes aprenderán as diversas familias de instrumentos musicais da época, os materiais, os tipos de sons e ademais crearán unha bramadera, un dos instrumentos musicais máis antigos que coñecemos.

Obradoiro creado para nenos e nenas, onde o principal obxectivo é aprender ciencia dunha forma didáctica, sorprendente e divertida. É maxia ou ciencia? Experimenta connosco e descubriremos os estados da materia e os seus segredos.

Para maiores de 3 anos.

Inscrición previa na biblioteca ou no teléf.: 886 120 440

Este obradoiro con clara vocación experimental busca espertar o interés dos adolescentes pola arte e a ciencia, cunha actividade manual que fomenta a súa creatividade e curiosidade. O resultado será un producto personalizado con representacións pictóricas dalguns dos organismos máis relevantes nos campos da investigación que se están levando a cabo na MBG e no IIM como por exemplo as brásicas, a vide, os cefalópodos e os peixes.

Organizado polo CSIC Galicia coa colaboración da Fundación Española para a Ciencia e a Tecnoloxía - Ministerio de Economía, Industria y Competitividad.

Rogelio López Cuenca imparte na Fundación Luís Seoane un obradoioro, Xeografía, memoria e capital cívico, no marco do proxecto homónimo que está a impulsar a Concellaría de Cultura, Deportes e Coñecemento do Concello da Coruña. O proxecto, dirixido polos expertos en arte contemporánea e esfera pública Juan de Nieves e Pablo Fanego, trata de establecer un marco de pensamento analítico e transversal da cidade fronte a unhas políticas do espazo urbanístico baseadas en meros intereses especulativos e ornamentais. 

O papel da edición foi determinante na transmisión das culturas ao longo do mundo e do tempo. Neste obradoiro formulanse cuestións como para que crear un libro, e como podemos chegar a comunicarnos cos demais a través de texto e imaxes. Desde a idea ata a montaxe, as nenas e os nenos crearán a súa propia revista autoeditada, da que sairán copias para repartir pola biblioteca.

Para nenos e nenas a partir de 7 anos.

Migallas Teatro trae este obradoiro con música en directo, xogos, contos e cancións infantís para xogarmos en familia. 

A partir dunha imaxe, as nenas e os nenos escribirán unha pequena historia, un conto ou un poema.

A partir de 7 anos.

Esta actividade forma parte da programación de dinamización lectora Ler conta moito, da Rede de Bibliotecas de Galicia.

Galicia é unha pedra no Atlántico e un espazo mariño que abrangue todos os océanos. Quizais un mariñeiro do Berbés non saiba de Olelas, na raia de Portugal, mais todos saben de Capetón, na fin de África; e de Antuerpe, Amberes, no galego do mar. Cómpre mollarse nas palabras e cómpre principiar polo Gran Sol. Caladoiros tan próximos –A Ferradura, Mar do Candil– que tamén teñen nome na nosa lingua.

Actividade do programa de dinamización lectora Ler conta moito, da Rede Galega de Bibliotecas.

A lanterna máxica é un obradoiro onde se mestura o mellor da literatura, do teatro e do cine.

A partir do xogo e a diversión os participantes dos obradoiros convertiranse nos verdadeiros protagonistas dunha actividade breve pero intensa na que, como resultado final, poderán ter a posibilidade de "vivir" un texto.

Nenos e nenas: 8-16

Esta actividade forma parte da programación de Ler conta moito.