Obradoiro

A música forma parte de nós, dos nosos primeiros xogos e dos contos da infancia. Expande os sentidos. Un bálsamo que penetra polo ouvido e pola pel producíndonos todo tipo de emocións: alegría, tristeza, inquietude, excitación, calma... Unha ópera lida móstranos unha historia que nos leva a un estado emocional concreto, a mesma ópera escoitada coa súa orquestración e arias, trasládanos a outros niveis perceptivos que nos permiten captar informacións sutís que doutro xeito nos pasarían desapercibidas.

Mutacións Urbanas. Laboratorio de Creación para activar a cidade dun xeito inclusivo, é unha aposta por achegar a creación artística a onde é máis necesaria: a sociedade. Mediante un laboratorio de creación colectiva dirixido por artistas recoñecidos pola súa sensibilidade e formación educativa, actívase a cidade desde a responsabilidade e a implicación social, compartindo a riqueza cultural que se agocha tras a diversidade e descubrindo en cada participante a capacidade artística que todos poseemos por dereito propio.

Este obradoiro plantéxase como un xogo, onde o mar é o protagonista.

Para nen@s de 3 a 6 anos

Obradoiro práctico para coñecer as técnicas de confección das redes de pesca e os distintos tipos de artes.
Impartido pola redeira Consuelo Martínez

Para persoas maiores de 8 anos
e menores acompañados

En colaboración coa Asociación Astrovigo

Poderemos observar as Perseidas e a Lúa, satélites e planetas se a meteoroloxía o permite.
Punto de encontro no Museo Massó.

Ángeles Alvariño foi unha destacada oceanógrafa, zoóloga e profesora española necida en Ferrol no ano 1916 precursora na investigación oceanográfica mundial.
A actividade consiste en contar a historia como un conto, facendo fincapé no estudo  que realizou sobre a alimentación das baleas, mentres un debuxante vai ilustrando o conto sobre a marcha facendo os debuxos nun gran blogue.
 

Trátase dun obradoiro literario e plástico, no que se traballará coa novela La colmena deste gran autor gañador do Premio Nobel de Literatura, do que se celebra o centenario do seu nacemento. A través das personaxes, escenarios e situacións, Cela retrata a realidade social dunha época da historia española caracterizada pola miseria, polos seus contrastes, pola súa frustación e incerteza propias da posguerra.

Neste obradoiro os participantes coñecerán a maxia da fotografía e aprenderán as marabillas do seu mundo. Crearán a súa propia cámara escura a partir de elementos tan sinxelos como unha caixa, con ela estudaremos o mundo da luz como fenómeno físico, de maneira que unha vez abramos o obxectivo e volvámolo a pechar, pasaremos a un cuarto escuro onde revelaremos o papel fotográfico introducido na nosa cámara; descubrindo deste modo un proceso químico sinxelo de oxidación, que deu paso á revolución da fotografía dixital.

Público: de 7 a 12 anos

Horario: de 17:30 a 19:00 h

A técnica de stop motion é un método de animación que consiste en finxir o movemento de obxectos estáticos por medio dunha serie de imaxes fixas sucesivas tomadas da realidade. Resulta moi atraente para os nenos, xa que están máis familiarizados coa animación e posúen unhas características plásticas cargadas de tactilidade.

Diversión e aprendizaxe da man de Iria Parras os martes 2, 9, 16 e 23 de agosto. Para rapaces de 7 a 11 anos. Prazas limitadas.