O 26 de setembro celébrase o Día Europeo das Linguas e un dos seus obxectivos é promover a aprendizaxe de linguas entre a cidadanía para fomentar o entendemento intercultural e lingüístico. A Biblioteca Pública de Lugo quere sumarse a esta celebración co noso centro de interese "Imos aprender idiomas".
A biblioteca cede o espazo a Títeres Cachirulo para a realización da exposición Biblioteca de Libros Fantásticos de Carmen Domech.
A mostra recibe o nome "Biblioteca de Libros Fantásticos" porque emprega a fantasía para crear os elementos que a compoñen, intentando abrir unha porta ao fértil terreo da imaxinación para animar ás persoas visitantes a inventar as súas aventuras arredor destas obras e fantasear co que pode agardar tras os lombos dun libro do estante da súa biblioteca.
A experiencia da enfermidade e a profesión médica suscitaron sempre un gran interese nos lectores e foron tratadas polos autores de diferente maneira, en función da consideración social que ambas tiveron en cada etapa histórica.
A exposición As Lendas Galegas do pintor Pedro Castro Couto terá lugar no Circo de Artesáns da Coruña e combina as técnicas do óleo e a do acrílico.
PERÍODO E HORARIO DA EXPOSICIÓN DE PEDRO CASTRO COUTO
Todas as persoas que o desexen, sexan ou non socias do Circo de Artesáns, teñen acceso libre e gratuíto para veren a exposición de pintura, que se desenvolverá do 3 ao 30 de setembro (incluíndo os festivos e os dous días citados).
O horario cada día será desde as 17:00 horas ás 22.00 horas.
Mostra bibliográfica co gaio da Banned Books Week que organiza anualmente a ALA (American Library Association). Busca poñer en valor a liberdade de ler e crear literatura denunciando as ocasións en que os libros son censurados. Nesta ocasión queremos visibilizar a aquelas persoas que tiveron que agocharse baixo un seudónimo para poderen publicar, xa for a por vergoña, medo a ser rexeitados coa súa identidade real.
Poderase ver nos andares 0 e 1 da Biblioteca.
Reunimos nunha mostra: novelas, poesía, libros de viaxes, ensaios, reportaxes xornalísticas, libros de historia, cine e documentais para achegarnos á realidade deste pais.
Este ano cúmprense 100 anos do nacemento do cineasta Fernando Fernán Gómez o 28 de agosto de 1921 e na Biblioteca queremos lembralo coa Mostra Bibliográfica do primeiro andar:
“Os 100 de Fernando Fernán Gómez”
Un repaso pola obra literaria e cinematográfica no centenario do seu nacemento
Mostra bibliográfica e paneis informativos sobre libros infantís traducidos ao galego e obras infantís galegas traducidas a outras linguas.
Do 1 ao 30 de setembro na sala infantil da biblioteca.
En terra firme mergulla as persoas visitantes nunha experiencia que alude á xeometría da luz do faro e sitúa o seu percorrido persoal no centro da intervención. Parte das múltiples connotacións da viaxe marítima e do concepto de luz como símbolo de transformación a nivel interior para convidar a percorrer unha viaxe propia.
A exposición inclúe un diorama de 48 metros cadrados e divídese en tres zonas. A primeira delas, que ocupa 24 m², e correspóndese co Camiño Francés actual ao seu paso por Galicia. Nesta sección póñense tamén en valor distintos aspectos como a súa riqueza cultural, natural, patrimonial, etnográfica e gastronómica a través da representación de diferentes elementos como as pallozas de Pedrafita, a elaboración de queixo en Arzúa ou o icónico Monte do Gozo.
