Exposición

A exposición organizada pola Asociación Cultural Ánxel Casal de Arzúa e a Federación Galiza Cultura mostra, cun estilo áxil, vivaz e sinxelo as etapas da vida de Ánxel Casal; a súa infancia na Coruña, a súa adolescencia na emigración, o seu apego á aldea do seu pai, o primeiro ensino en galego, o traballo cultural, literario, o político… completan unha visión amena da extraordinaria vida dun galego exemplar do que Castelao chegou a dicir: Casal, por Galiza, fixo máis que todos nós.

Moret Art  ten o pracer de convidarche á inauguración da mostra "Daraja" de MARCOS TAMARGO, artista xixonés afincado en Miami de gran proxección internacional, retratista das mulleres premio Nobel e dos Premios Princesa de Asturias.

A través de 60 pezas organizadas en seis seccións diferentes, a exposición 'Sempre palpitante. Emilia Pardo Bazán' presenta na Biblioteca de Galicia un percorrido que achega á cidadanía exemplares das obras máis coñecidas da intelectual galega, como unha primeira edición da súa primeira novela, publicada en 1879, Pascual López: autobiografía de un estudiante de medicina, ou títulos como La Tribuna (1882), ademais de Los Pazos de Ulloa, que saíu á luz en Barcelona en 1886 xa na súa etapa de madurez como escritora.

O Camiño Portugués. Lembranzas de mar e pedra é un proxecto expositivo e editorial que retrata as realidades e paisaxes que conforman o itinerario do Camiño Portugués e tece un diálogo entre a fotografía do pasado e as olladas do presente. De Porto a Santiago de Compostela, as paisaxes, a vida nas prazas das aldeas, os monumentos e as escenas cotiás que foron inmortalizadas en séculos pasados volven ser motivo de inspiración baixo unha nova ollada.

Paneis divulgativos e bibliografía sobre a vida e obra de Reimundo Patiño, homenaxeado no Día da Ilustración 2022.

Zona de exposicións da biblioteca.

Todos os públicos.

Do 10 de xaneiro ao 12 de febreiro.

Exposición que recolle a historia dos libros premiados co prestixioso Premio Andersen de ilustración.

Sala Infantil. Público familiar.

Do 10 de xaneiro ao 12 de febreiro.

Existen destacadas obras literarias nas que o inverno está presente dalgún xeito nas súas tramas como un personaxe máis, e nas que o frío, a choiva, o xeo e a neve serven de metáfora e escenario a narracións políticas, sociais ou sentimentais. Nesta mostra bibliográfica seleccionamos un conxunto de libros nos que, ben sexa pola súa temática, ilustracións ou polo momento histórico e cidade na que se desenvolven, resúltannos máis agradables para ler nesta xélida estación do ano. Imos resgardarnos na literatura!!

Facer o máximo co mínimo, resaltar a diferenza, o estraño, o «exterior» a través dos referentes máis banais e manidos: esa é a economía artística de Pierre  Ardouvin.O seu uso de materiais, motivos e obxectos domésticos, manifestamente subvertidos, está deseñado para desafiar as emocións sen enganar realmente as percepcións.

Esquecidas comprende os traballos de 12 mulleres artistas, afastadas en certa medida do circuíto comercial e oficialista, pero con gran importancia no contexto histórico artístico do século pasado.A mostra reúne e pon en valor unha colección de 20 obras de grandes pintoras que o devir histórico deixou almacenadas nun anaquel do esquecemento.O percorrido expositivo establece un achegamento a diversas vertentes estéticas abordadas por diferentes mulleres creadoras.

Esta exposición consta de 20 paneis sobre o pasado, o presente e o futuro do deporte galego e as súas reivindicacións a prol das seleccións nacionais galegas e da necesidade de que o pobo galego teña representación de seu na esfera internacional. Ten carácter itinerante e exhibirase en 35 cidades e vilas galegas durante este ano 2021 e o próximo 2022.
+ INFO