Todo el mundo es imbécil menos yo é unha recompilación de historietas que, a modo de columna xornalística, mesturan o humor acedo de Bagge cos traballos da prensa na actualidade. Cada unha delas caracteriza a un voluble Peter Bagge como un home corrente sorprendido, indignado e profundamente confuso, tentado entender este século vinte e un.
Trátase dunha mostra colectiva e multidisciplinar que reúne as manifestacións culturais do Camiño Portugués a Santiago, incluíndose nesta mostra obras de representantes da pintura luso-galaica como: Agustín Pousseu, Álex Vázquez, Amelia Palacios, Ana Corzo, Antón Sobral, Carmen Hermo, Eduardo Deus, José María Barreiro, Kuqui Pazos, Luz Lafuente, Mario Rocha, Puri do Palacio, Xaime Falcón, Gerhard Mader, ou Rafael Úbeda, pintor e músico.
Esta colección pon de manifesto a creatividade única de Palacios, unha que lle permitiu deixar unha transcendental pegada no imaxinario arquitectónico de Galicia. Así, Palacios creou unha marca propia coa que soubo combinar a vangarda creativa co modelo residencial galego.
Esta fundación sen ánimo de lucro busca mellorar as condicións de vida da infancia máis vulnerable de forma duradeira a través da acción directa cos menores, as súas familias e comunidades, e a través da promoción da defensa dos dereitos da infancia, con accións de sensibilización e educación para o desenvolvemento.
Santiago Vaz era especialmente recoñecido polo seu traballo de lutier e fabricante de violíns e violas, nas que sempre deixaba o seu sinal. Con todo, tiña como afección o construír maquetas de barcos para os seus fillos. Entre a colección que se expón no museo, non só inclúense navegacións de diferentes momentos históricos, senón que tamén retrataron pequenas gamelas do porto baionés, como a que é coñecida como Kin.
“A raíz da acollida do libro Un señor elegante de Suso de Toro comprendemos que había un interese por parte dun público amplo por coñecer máis aspectos desa historia da familia Baltar que tivera un papel tan significativo na historia da cirurxía e da asistencia social e na promoción e protección da nosa cultura e comprometida co destino e os problemas sociais do seu país e o seu tempo.
Selección de obras ilustradas, películas e cómics de temática feminista ou feitas por mulleres.
Do 7 de marzo ao 9 de abril no 2º andar e do 11 ao 30 de abril estará na planta baixa, na zona de Hemeroteca. Pode visitarse en horario de apertura da biblioteca
Jesús César Silva Méndez, o Pai Silva ao que todos coñecían como o Cura, fundou en 1957, en pleno franquismo, nos arredores de Ourense, unha cidade revolucionaria para nenos e novos. Benposta, a Cidade dos Raparigos, chegou a acoller 50.000. Orfos, refuxiados, chegados de todo o mundo. Dentro dela, as decisións tomábanse nun parlamento, pregoábase o pacifismo e había un circo que viaxaba polo mundo enteiro e que servía como método de promoción e de formación para a vida. Había tamén ensino académico, unha das primeiras escolas audiovisuais e chegou a ter unha canle de TV.
A biblioteca cede o espazo a Xandobela para a realización da exposición do proxecto “Lévedo lilá” que busca visibilizar referentes da cultura e das artes galegas con perspectiva de xénero con e entre a mocidade: referentes da cultura e das artes galegas que superan os estereotipos por razón de xénero, que os cuestionan de xeito explícito, que deixan pouso, que espertan a curiosidade, o interese e alentan a reflexión.
"Eu nacín aquí. Meus pais naceran aquí e mais meu avó paterno e a miña avoa paterna, e tamén a miña avoa materna e máis lonxe na miña ascendencia os meus antepasados e a súa proxenie."
Así se expresaba María Casares nas súas memorias "Residente privilexiada" referíndose á súa cidade, A Coruña.
As Bibliotecas Municipais da Coruña súmanse ao aniversario do nacemento da actriz coruñesa María Casares para celebrar o Ano Internacional María Casares en 2022 cunha exposición itinerante polas Bibliotecas da Rede.
