Exposición

Cada 20 de marzo, coincidindo co Equinoccio da primavera, celébrase o Día Internacional da Narración Oral , para festexar a arte de contar de “viva voz” o que chamamos “Contacontos”. Para a Unesco as tradicións e expresións orais forman parte do Patrimonio Cultural Inmaterial da Humanidade.

Na Biblioteca Pública de Vigo Juan Compañel, na Sala Infantil, celebramos esta data cunha exposición e selección bibliográfica de libros que falan e recompilan contos da narración oral.

Encadrada no ano do centenario de María Casares e co gaio do Día da Muller e o Día do Teatro no mes de marzo, a biblioteca realiza unha pequena exposición biobibliográfica sobre unha das actrices galegas máis recoñecidas. Mergullarémonos un pouco máis na súa vida e obra a modo de homenaxe e divulgación cultural.

Para todos os públicos. Zona de exposicións da biblioteca.

Miguel Ángel Gallardo Paredes (27 de decembro de 1955 - 21 de febreiro de 2022) foi un historietista español, creador, entre outros moitos personaxes, de Makoki, emblemático na década de 1980. A maior parte dos seus traballos pertencen ao cómic underground. Posteriormente apostou polo xénero biográfico, coa publicación de obras como Un largo silencio e a galardoada María y yo.

Desde a Biblioteca Pública de Santiago de Compostela ofrecemos unha selección da súa obra máis senlleira.

Na bedeteca. Pode visitarse durante o horario de apertura da biblioteca

Os libros e as obras de arte que deixan unha especial pegada en nós invitan, de maneira inequívoca, a novas lecturas. E enganchan a novos e sucesivos lectores e intérpretes ó longo do tempo.

O alumnado da Academia Altaira arte e ensino súmase, nesta exposición de pinturas, a esa reinterpretación: recrea cos seus pinceis a arquitectura da Biblioteca Anxel Casal e ilustra con eles algúns dos contos, fotogramas e sons que gardan os anaqueis do Centro. Tantas versións e relecturas como artistas se sumaron a esta iniciativa creadora.

Inauguración EXPOSICIÓN Colección "Dioses y Héroes de la Mitología"

No Círculo de Empresarios de Galicia.

Trátase da 1ª Exposición de Arte Dixital que se realiza na devandita Institución.

Cristina Rommel - Escultura

Fortemente atraída pola arte desde a infancia, a xermano-arxentina Cristina Rommel formouse en Artes visuais en Arxentina e despois cursou distintas especializacións en diversos procesos técnicos como, por exemplo, os tradicionais usados por Miguel Ángel. A súa obra foi recoñecida mundialmente por multitude de simposios en Latinoamérica e Europa e o propio goberno arxentino contou con ela para realizar distintos traballos estatais como os bustos de Kirchner ou Arturo Jauretche.

Rafael Freixeiro - Pintura

Rock and roll e ilustración, sempre van moi unidos, desde a arte dos carteis á inspiración que é para os artistas esa música do diaño. Nesta ocasión van da man máis que nunca porque esta exposición mostra o traballo de dous músicos ben coñecidos dentro da escena galega do R´n´R:

Por unha banda, Diego da Iglesia, chamán dos tambores de Thee Blind Crows e ex-Terbutalina, e pola outra, Rubén Suarez, agora mesmo á fronte de The Family Folks, pero antes en Foggy Mental Breakdown, Os High Serras ou Os tres sudamaricones.

Creadores de conciencia é un proxecto que nace por iniciativa de DKV, unha empresa que conmemora o vixésimo aniversario da súa obra social co xeneroso empeño de pór en valor o traballo das persoas que se dedican á fotorreportaxe e recoñecer con iso a transcendencia do seu oficio: engadir luz á escuridade e dar voz a quen non a ten.O labor desta profesión sostén a primeira fronte da veracidade na comunicación e sobre el descansa a credibilidade dos medios que publican as súas imaxes.

Todo el mundo es imbécil menos yo é unha recompilación de historietas que, a modo de columna xornalística, mesturan o humor acedo de Bagge cos traballos da prensa na actualidade. Cada unha delas caracteriza a un voluble Peter Bagge como un home corrente sorprendido, indignado e profundamente confuso, tentado entender este século vinte e un.

Trátase dunha mostra colectiva e multidisciplinar que reúne as manifestacións culturais do Camiño Portugués a Santiago, incluíndose nesta mostra obras de representantes da pintura luso-galaica como: Agustín Pousseu, Álex Vázquez, Amelia Palacios, Ana Corzo, Antón Sobral, Carmen Hermo, Eduardo Deus, José María Barreiro, Kuqui Pazos, Luz Lafuente, Mario Rocha, Puri do Palacio, Xaime Falcón, Gerhard Mader, ou Rafael Úbeda, pintor e músico.