Commuting Time, ou Cum Tempore, C.T. é unha obra de carácter performático que sucede simultaneamente en dúas galerías. Durante todo o mes de novembro rexístrase en vídeo unha conversación entre dúas persoas, en trinta tomas, conforme ao recurso cinematográfico do plano-contraplano. A peculiaridade desta gravación é que cada toma está realizada en dúas cidades distintas, Barcelona e Santiago de Compostela, alternadamente e 24 horas despois.
A Galería de arte LUISA PITA presenta o día 11 de novembro ás 20.00 h, a última exposición do 2022 coa obra da artista Francesca Poza (Mataró 1965), que se incorpora aos artistas da Galería cun proxecto que reúne un total de trece obras baixo o título "O papel como materia e o fío como símbolo".Francesca Poza no seu proceso creativo toma de referencia historias reais e lecturas que lle deixaron pegada e cun estilo propio caracterizado polo peculiar uso do papel que recicla, tece, encaixa e acuña, desenvolve o seu xogo da comunicación.
A exposición “Florencio Delgado Gurriarán: Compromiso na distancia” mostrará ao
público un material no que se entrelazan estas dúas realidades: o espazo onde se
criou, que logo se transformaría no locus amoedus da súa literatura, e os poemas que
este espazo inspirou.
Será un percorrido pola obra do autor a través dos acontecementos vitais que
conformaron o seu estilo e argumentario poético
Formas propias.
O Camiño de Inverno é a entrada natural a Galicia desde a meseta, un acceso xa usado polos romanos. Xurdiu como alternativa en época invernal á dura subida aos cumes nevados do Cebreiro -Camiño Francés- e tamén para evitar os desbordamentos frecuentes dos ríos do val do Valcarce. No proxecto Camiñamos para parar, durante 9 días de setembro, os artistas Miguelanxo Prado (Galicia) e Rita Sabler (Portland, EEUU) percorreron o Camiño de Inverno, dende O Barco de Valdeorras ata Santiago de Compostela.
Lembramos o desastre do Prestige no seu vixésimo aniversario. A través da cobertura de prensa, folletos, fotografías e libros lembbraremos eses días negros de novembro de fai 20 anos.
Exposición da consellería de Promoción do Emprego e Igualdade que integra a visión artística de 12 ilustradoras contra a violencia de xénero e aspira a xerar conciencia entre a cidadanía.
A exposición xira arredor da conceptualización da violencia de xénero, para xerar unha mirada crítica e intransixente ao respecto.
Esta mostra lusófona tamén estará complementada cunha Exposición fotográfica: Detrás da cámara: Unha viaxe polas rodaxes do cinema galego, a cal poderá visitarse no Café UF do 15 de novembro ao 15 de decembro
Un camiño pode entenderse como un itinerario físico ou como unha vía para acceder a un fin. Camiñar pode ser unha experiencia estética ou espiritual, unha práctica social ou unha forma de activismo: camiñamos para descubrir, tanto o propio como o alleo e, tamén, camiñamos para crear. A exposición Camiños creativos explora precisamente o vínculo entre movemento e arte e profunda en como o desprazamento a pé é determinante no proceso creador.
A Fundación Vivanco expón no Centro Abanca 80 gravados de 53 grandes artistas como Durero, Chagall, Miró, Picasso, Warhol, Paula Rego ou Chillida: Seis séculos de arte en torno ao viño.A mostra, cedida especialmente para a ocasión, reúne 80 gravados coidadosamente seleccionados entre a Colección Privada da Familia adegueira Vivanco.
