Exposición

O espazo baleiro, que non é tal: nin pola súa constitución arquitectural -que foi deseñada para ser intervida en todos os seus planos- nin polas capas sucesivas de artefactos que se depositan na súa memoria pero que tamén se almacenan nos espazos mentais das audiencias cando penetran nel (espazo). Os artefactos da arte organízanse e distribúen desde a súa condición case inevitable de materialidade, e desde aí adhírense aos espazos "baleiros", predeterminados para esta ocupación constante e exhaustiva.

En outubro de 1992 abría as súas portas a Nave de Servizos Artísticos-Sala Nasa nunha nave industrial abandonada da rúa San Lourenzo, camiño de Fisterra, como testemuña da proximidade do cabo do mundo. Durante vinte anos a Nasa foi un espazo de encontro cidadán, un escenario aberto ás novas expresións da sociedade creativa e un instrumento de axitación cultural que conectou Compostela con axentes creativas de moitos outros lugares.

As glorias da Universidade de Santiago de Compostela xa foran explicitadas nunha exposición anterior ⸺ A Minerva compostelá. As súas glorias⸺ e esta, que agora se presenta, cómpre recoñecela como continuadora daquela. Tamén, neste caso, ten que entenderse como un quefacer complementario do que, en paralelo, se leva a cabo na concreción, e actualización, do Museo Virtual da USC, no que cabe, así, visualizar, tamén, o aquí contido.

A Fundación Granell abre o vindeiro martes, dia 18, ás 12:00h a  Exposición dos traballos das alumnas do taller de Tapices que dita Xavier Rodríguez na Asociación Cultural San Martiño Pinario.
Na mostra poderanse ver desde tapices de técnicas clásicas, gobelinos, ata as máis vangardistas con diferentes texturas e volumes. Tamén se expoñen técnicas de xoieria téxtil, micromacramé, feltrado e kumiho, entre outras.As participantes son Maché, Maricarmen, Teresa, Conchita, Chenda, Luisa, Carmen Rodríguez, Carmen Otero, Elisa e Mónica.

Unha viaxe pola indumentaria tradicional de Galicia é unha exposición de máis de 75 traxes, que reproduce fielmente cada unha das vestimentas fotografadas por Ruth Matilda Anderson nas súas viaxes a Galicia entre os anos 1924 e 1926 por encargo da Hispanic Society de Nova York.

A mostra fai un percorrido polas leiteiras da comarca de Santiago reunidas na Rúa Nova ao amencer, polas rederas do barrio da Moureira, os artesáns de zuecos nas feiras ou as vendedoras da Praza dá Leña.

A finais de 2021, a Universidade de Vigo e a Fundación MOP asinaron un convenio de colaboración co obxectivo de promover a arte emerxente en Galicia a través de Future Stories, un proxecto ao que se destinarían os ingresos xerados pola exposición Peter Lindbergh: Untold Stories (A Coruña) a través da venda de merchandising. Tras o gran éxito da mostra, o proxecto Future Stories permitiu ofrecer ao alumnado da Facultade de Belas Artes ata dez bolsas de 4.000 euros para o desenvolvemento de proxectos artísticos a partir dos seus Traballos de Fin de Grao.

Do final e do comezo é unha mostra protagonizada por traballos de 26 artistas graduados da Facultade de Belas Artes de Pontevedra. Un conxunto de obras que reflicten a diversidade de formatos, conceptos, propostas e técnicas coas que traballan os alumnos: vídeo, escultura, debuxo, deseño, pintura, instalación, fotografía...

A imaxinación como refuxio, inspiración e xermolo fundamental do proceso creativo, é a premisa da que parte IMAXINARIA, IV edición da Mostra Internacional de Ilustración Contemporánea, que achega á Sede de afundación de Santiago de Compostela, un ano máis, o que se está a facer no ámbito da ilustración a nivel mundial.Na mostra participan artistas cun alto perfil multidisciplinar, vidas e vidos de diferentes sectores coma a pintura, o cómic, o mural, o graffiti, a animación, a moda, o deseño gráfico ou a tattoo, e que teñen na ilustración o seu principal medio de expresión.Baixo o título AN

A Fundación Eugenio Granell abre unha nova exposición das súas obras: Granell e os seus personaxes preferidos, creada pola súa filla e directora da Fundación, Natalia Fernández, en recoñecemento e homenaxe ao inmenso coñecemento que o seu pai tiña da historia, a literatura, a mitoloxía.

A galería Patio de Luz inaugura un espazo multidisciplinar que conta con diversas áreas expositivas. Do 6 de outubro ao 6 de decembro poderás visitar NIEBLAS GALLEGAS, a obra recente do artista galego Edu Valiña, no soto do edificio.