Exposición

A mostra, organizada por Turismo de Galicia en colaboración coa Universidade de Santiago de Compostela, enmárcase na candidatura do Códice Calixtino para a súa inclusión no Rexistro Internacional da Memoria do Mundo da UNESCO.

Exposición de carácter divulgativo e didáctico, conta con textos, fotografías, o facsímil do documento, pezas orixinais así como recreacións audiovisuais baseadas en datos do Libro V do Códice.

Pódese visitar na igrexa da Universidade de Santiago de Compostela, logo de percorrer varias cidades españolas e europeas.

Comisariada pola crítica e historiadora da arte Alicia Murría, chega aos espazos do CGAC, a exposición da austríaca Eva Lootz.

Residente en España e Premio Nacional de Artes Plásticas, esta pintora, escultora e artista conceptual, mostra obras representativas dos anos setenta e oitenta, instalacións con materiais como area ou parafina, xunto con obras recentes como o proxecto Wolframio, iniciado con motivo desta exposición. 

Máis información 

A mostra articúlase no Espazo Colección e reúne 78 obras, pertencentes á Colección de Arte Afundación.  

A metada das obras, entre pintura, escultura e fotografía, expóñense por primeira vez neste espazo, nunha distribución cronolóxica que vai dende mediados do XIX ata o 2011. 

A exposición vai acompañada dunha completa programación didáctica.

Máis información

A mostra, comisariada por Natalia Fernández Segarra, é o resultado do traballo realizado durante meses por esta "Artista en residencia".

O conxunto de formas imaxinarias que conforman a instalación son froito da relación entre cerebro e sistema dixestivo.

Máis información

A Galería Metro acolle esta proposta do artista Lomarti.

Romper-Avanzar son máis de trinta obras, entre pinturas e esculturas, executadas dende a experiencia e o coñecemento.

Información

A exposiciòn no Colexio de Fonseca, enmárcarse dentro da programación do actos para conmemorar o 150 aniversario do nacemento do escritor galego.

É froito da colaboración entre as principais institucións e entidades vinculadas co autor, USC, Xunta de Galicia, Consello da Cultura Galega.

A mostra consta de tres seccións: Valle-Inclán debuxado, Obra ilustrada e Valle-Inclán traducido  e vai acompañada dun catálogo conxunto. 

Máis información

Inclúe unha selección de libros do fondo antigo da biblioteca :  tres incunables,   catro manuscritos , “ El Claudii Ptolemaei Alesandrini Geographicae e Narratione  que é unha  das cartografías do século XVI baseadas na concepción que do mundo entón coñecido tiña o sabio grecoegipcio Ptolomeo.  

Sala de exposicións da biblioteca dende o 24 ao 31 de outubro.

O Museo de Arte Contemporánea da Coruña (MAC) expón as obras dos 50 creadores, 17 deles galegos ou residentes, seleccionados no marco da 14 Mostra de Arte Gas Natural Fenosa.

Os creadores Núria Güel, Emilio Pemjean, Fernando Renes e Teo Soriano son os premiados nesta edición. Este último escolleito para o premio Julián Trincado que recoñece ao mellor autor galego, con 6.500 euros e que apoia o Concello da Coruña. 

Máis información 

Pel de Mar forma parte das actividades programadas para a terceira edición do Festival Mar de Mares, encontro cultural educativo e lúdico. 

Trátase dunha selección de fotografías, ao redor do mar de Galicia, que o fotoxornalista Xulio Villarino amosa por primeira vez.

Máis información 

Mostra divulgativa que nos achega de xeito ameno e gráfico a traxectoria vital e literaria do autor homenaxeado no Día das Letras Galegas 2016, o poeta chairego Manuel María.

Programada pola Consellería de Cultura, Educación e Ordenación Universitaria da Xunta de Galicia, en colaboración coa Fundación Manuel María, a mostra percorrerá diferentes localidades de Galicia ao longo de 2016.