Exposición das obras finalistas dos creadores novos que participaron no certame Xuventude Crea 2016, convocado pola Dirección Xeral de Xuventude, Participación e Voluntariado.
Son 14 os proxectos finalistas na categoría de artes plásticas: tres de escultura e once de pintura e na categoría de fotografía son 15 os traballos finalistas expostos.
A Sociedade Filatélica da Coruña presenta esta exposición para conmemorar o centenario do nacemento das "Irmandades da Fala na Coruña".
Por primeira vez as 31 coleccións que se mostran son todas elas de tema galego.
A mostra vai acompañada de talleres sobre filatelia e sobre o apaixonante mundo do selo.
Esta exposición na sala Halcón Mileranario xira en torno a catro series: Escenas da vida cotidiana, o mundo vexetal, paisaxe natural e debuxos a lápiz e acuarela de temas variados.
Unha mostra desta xoven pintora nacida en Cantabria, realizada a partir da observación do seu entorno cercano e que sobresae pola súa particular visión do cotidiano.
Exposición das obras premiadas e finalistas no apartado de deseño de xoias do certame Xuventude Crea 2016, convocado pola Dirección Xeral de Xuventude, Participación e Voluntariado.
Emma Lichtenstein foi a gañadora na especialidade de Xoiaría, nun certame que, na fase final, contou con máis de 70 proxectos artísticos e culturais.
Camilo José Cela (1916-2016). O centenario dun Nobel. Un libro e toda a soidade chega á terral natal do escritor despois do seu exitoso paso pola Biblioteca Nacional, onde foi inaugurada polo Rei en xullo e puido visitarse ata setembro. Comisariada polo profesor Adolfo Sotelo, un dos maiores especialistas na obra de Cela, a exposición conforma un retrato poliédrico sobre o Nobel, amosando a súa actividade non só como novelista, senón como xornalista, editor, dramaturgo, actor, pintor ou coleccionista, nun intento de achegarlle ao visitante a potencia creativa do autor.
A mostra está composta por unha ampla selección de obra do artista, discípulo de Sorolla e Zuloaga, recoñecido coma un dos grandes do século XX.
Comisariada polo profesor e crítico de arte, Carlos Bernárdez, inicia en Lugo a itinerancia deseñada por Afundación para Galicia.
O artista lalinense, Nicolás González Aller, regresa a cidade compostelá con esta proposta comisariada por Cristina Carballedo.
A exposición reúne unha selección de se óleos e debuxos, obras recentes nas que se mestura o lirismo co universo máxico galego.
1ª exposición colectiva do proxecto de Micro Museos itinerantes de Isabel Alonso.
Máis de trinta artistas expoñen as súas obras en tres espazos museísticos creados para este proxecto no que a obra contida se convirte en continente.
A comisaria Paula Cabaleiro, coa asistencia de Iñigo Rodríguez, presenta un proxecto colectivo de 12 artistas.
Chelo Matesanz, Mónica Alonso, Din Matamoro, Sara Coleman, Suso Fandiño, Berta Cáccamo, Hector Francesch, Mónica Trastoy, Mar Vicente e Rubén Fernández Castón, ademáis de Adriana Pazos de María Roja, son 12 maneiras de proceder, xogando co espazo, a cor, o volume e a forma coa intención de provocar un diálogo co espectador, cuestionando os límites da pintura.
Mostra dunha serie de colaxes de Maite Ortega creadas cunha canción de fondo.
A música, escollida pola propia artista ou por unha persoa do público, soa ata que remata o proceso creativo.
