Que non todo sexa comprar no Nadal!
Expoñemos unha selección de libros infantís e xuvenís cunha chea de ideas para facer todo tipo de traballos manuais e actividades coas nenas e os nenos.
Sala Infantil.
Carlos Alba, fotógrafo madrileño residente en Londres, intervén en Zona "C" como seleccionado na modalidade de proxectos de intervención artística. A súa obra céntrase nas relacións humanas no mundo moderno.
Reflexiona co seu traballo sobre como un estranxeiro trata de atopar o seu camiño nun novo país e nun novo barrio, toma obxectos que atopa nas rúas e utilízaos como unha especie de arqueoloxía visual e esta combinación de obxectos con fotografías chega ao espectador dunha maneira física e envolta en misterio.
A Galería About Art expón obras do escultor pontevedrés Francisco Remiseiro, artista de formación autodidacta, con gran admiración polos oficios tradicionais, que segundo el, transforman a materia aínda que cun obxectivo distinto ao da escultura.
As súas pezas establecen unha relación entre o humano e o obxecto, procurando unha emoción constante.
A mostra está organizada pola asociación Sen Ánimo de Nome e forma parte do proxecto 1+1 Play Coruña, cuxo obxectivo é visibilizar a obra de artistas emerxentes.
Neste caso reúnese a seis artistas, catro galegas e dous italianos, Julia Aguiar, Iria Prol, Cristina Chiarroni, Marita Carmona, Tommaso Freda e Carolina Russo que traballan o tema do subconsciente dende técnicas artísticas distintas.
Álvaro Cunqueiro Mora, nado en Mondoñedo o 22 de decembro de 1911 e finado en Vigo o 28 de febreiro de 1981, foi un novelista, poeta, dramaturgo, xornalista e gastrónomo, considerado un dos grandes autores da literatura galega. En 1991 dedicóuselle o Día das Letras Galegas.
Con esta mostra repasamos a súa obra e recordamos a súa figura.
2º andar da biblioteca.
Ánxel Casal Gosenxe, nado en Betanzos o 17 de decembro de 1895 e asasinado en Cacheiras (Teo) o 19 de agosto de 1936, foi un editor e político galego. A súa actividade como libreiro e impresor é fundamental para explicar o desenvolvemento do galeguismo entre os mozos composteláns.
A mostra no Museo do Pobo Galego, composta por máis de 160 cadros, ofrece unha serie de interpretacións de personaxes mitolóxicos vistas polo realismo figurativo de José Manuel Méndez.
“Míticos no leito” é unha galería de persoas vinculadas ás Artes Escénicas, un conxunto onde Méndez xoga coa complicidade dos seus modelos e as características propias destes no mundo real.
Os facsímiles son reproducións moi precisas de documentos xeralmente antigos e de gran valor. Para conseguir isto, adóitase recorrer á fotografía e a serigrafía para aumentar o grao de fidelidade á obra orixinal.
Esta exposición de Vítor Mejuto nace da súa admiración polo traballo dos sastres, en concreto por Willy Iglesias, mestre do corte na Sastrería Iglesias, un establecemento mítico da cidade da Coruña que pechou as súas portas en 2012.
Nesta mostra, o artista inspírase nos patróns xeométricos que se convirten en traxes que acaban sendo unha extensión da propia pel.
Exposición das obras finalistas dos creadores novos que participaron no certame Xuventude Crea 2016, convocado pola Dirección Xeral de Xuventude, Participación e Voluntariado.
Son 14 os proxectos finalistas na categoría de artes plásticas: tres de escultura e once de pintura e na categoría de fotografía son 15 os traballos finalistas expostos.
