Exposición

Un repaso aos deseños dos estoxos e cubertas que acompañaron a música do país na fin do século XX, comisariado por Fausto Isorna. Segundo as súas palabras, "Esta non é, pois, unha historia da música galega, aínda que tamén o sexa, senón un percorrido polo traballo dos artistas, fotógrafos, deseñadores e ilustradores, galegos ou non, que trataron de reflectir graficamente o son que saía desas rodelas de plástico, na procura da cuadratura do círculo. Un percorrido por como nos vemos e como queremos que nos vexan, pola imaxe que queremos dar ao contar e ao cantar o que cantamos."

En palabras de Xurxo Lobato, o Premio de Creación Fotográfica Luís Ksado procura "Documentar a  través da  fotografía. Impactar a través da dor das vítimas. Recuperar a nosa memoria histórica silenciada. Retratar de maneira antropolóxica a mozas e mozos galegos. Viaxar para ensinarnos o mundo. Espazos de tolemia transitados  fotograficamente. Achegarse ás bandas do Salvador.

Esta exposición amosa os premiados e finalistas no programa Xuventude Crea 2019. Nesta edición os gañadores foron Miguel Aurelio Cajaraville (Baiona) pola súa obra Cor de corral; en segundo lugar, Margot Rodríguez Salvador (Pontedeume) con Leonesa con bengala; e en terceiro lugar, Fernanda Rodríguez Miguélez (A Coruña) con Camiñando entre nós.

Jesús Madriñán (Santiago de Compostela, 1984) é unha das miradas fotográficas máis incisivas do panorama actual. A súa obra centrouse fundamentalmente nunha reinterpretación do retrato entendido como un elo intermedio entre o xénero psicolóxico e o arquivo de tipoloxías. As súas diversas series abordaron aspectos da noite festeira en grandes cidades europeas (Good Night London, 2011, ou Dopo Roma, 2016) ou no medio rural (Boas noites, 2013).

'Nós de onte a hoxe: 100 anos de historia' é unha exposición realizada pola Federación de Asociacións Culturais Galiza Cultura, en colaboración co Museo do Pobo Galego.
GALIZA CULTURA conmemora así o centenario dunha iniciativa singular e decisiva na historia contemporánea da Galiza: o nacemento da revista Nós, cuxo primeiro número ve a luz o 30 de Outubro de 1920, revista de alta cultura que coloca a lingua, as artes e a ciencia galega nun nível privilexiado de calidade. 

Christian Villamide (Lugo, 1966) reflexiona nesta mostra acerca desa distancia que as persoas adoitamos tomar fronte ao territorio que habitamos para poñer o foco sobre a forza e a violencia coa que sometemos a natureza.Desde unha linguaxe plástica e visual multidisciplinar, Villamide evoca e provoca, nunha perfecta simbiose entre ética e estética, nesa acción de contemplar, tan propia do Romanticismo, na procura do sublime; pero desde un punto de vista analítico, partindo nesas derivas case situacionistas, nas que camiñar, como práctica estética, xa constitúe unha forma de construí

Reúnense máis de cincuenta obras que recollen os diferentes momentos da súa traxectoria creativa. A mostra, comisariada por Rosario Sarmiento, poderase visitar no Sexto Edificio desde  o 23 de xaneiro, ás 20 h en que se inaugura, ao 26 de abril de 2020.

Arredor de 30 expositores mostrarán distintas variedades desta flor que enche de cor os xardíns e parques galegos en pleno inverno, na mostra organizada pola sociación Cultural Rocha Forte. Unha oportunidade para gozar da beleza de Japonicas, Sinensis,  Sasanquas...   ademais  doutras  actividades  literarias  e musicais relacionadas co universo da Camelia.
+ Info
 

Mostra do pintor Pedro Ávila Durán, cunha longa traxextoria e coñecido polos seus bodegóns e naturezas mortas con obxectos cotiáns.

A través de debuxos, pinturas e instalacións, nunha exposición versátil e poliédrica, Noya recolle diferentes reflexións acerca da idea da vacuidade, da fraxilidade da vida e da aparencia das cousas, para tensar e cuestionar ao público visitante, a través de emocións, pulsións e lugares comúns.