Desde a experiencia que lle proporciona a súa continuada e sólida posición como artista, Rafael Úbeda encóntrase, actualmente, nunha etapa na que afronta a creación, trazando unha realidade nunca vista, inmerso no seu particular mundo plástico sonoro, de atrevidas sucesións de formas, equilibrios e contorsións. O propio pintor expresou nalgunha ocasión: “ ...
Bolboretas ao voo: exposición de manualidades solidarias 2019. Organiza Vanessa Zumaquero
É a segunda edición do proxecto Outubro Rosa con motivo de visibilizar a loita contra o cancro de mama.
É unha exposición colectiva de manualidades solidarias con participación a nivel nacional.
Todos os traballos serán entregados a pacientes activos con Cancro de Mama.
Durante os meses de setembro e otubro poderedes visitar a mostra bibliográfica de libros e cómics censurados no primeiro andar da Biblioteca.
Animádevos tamén co noso desafío lector que podedes descargar na ligazón, cantos libros leíchedes desta selección?
'Eduardo Gruber. O salón dos espellos', comisariada por Miguel Fernández-Cid, ocupará as salas de exposición do primeiro andar do MARCO entre o 27 de setembro de 2019 e o 5 de xaneiro de 2020. Esta mostra reúne unha selección de obras recentes, debuxos e obra sobre papel, na que resulta central a presenza da palabra, do relato, da literatura.
A través dun selecto elenco de obxectos arqueolóxicos procedentes de diferentes museos de Galicia e Asturias, ilustracións de gran calidade e impactantes fotografías, as persoas que visitan a mostra gozarán dun percorrido pola evolución que se produce en Galicia durante un longo período de 2.000 anos, desde os momentos finais da prehistoria ata a antigüidade tardía.
A exposición, organizada pola Deputación de Pontevedra, pode verse no Sexto Edificio do Museo de Pontevedra desde o 4 de outubro, ás 19 h en que se abre, ata o 2 de febreiro de 2020.
Horario de visita
A exposición recolle o paso pola cidade de Lugo do polígrafo de Cerdedo-Cotobade, a quen se lle dedicou este ano o Día das Letras Galegas. Afonda na pegada que deixou, tanto nos alumnos do instituto, como na sociedade lucense en xeral
A colección de imaxes están protagonizadas polas persoas usuarias de ADACECO, ADACE Lugo, Alento, Renacer e Sarela, que amosan a súa vida cotiá, as actividades que desenvolven, os ratos de descanso e a convivenciadespois dun ictus, un accidente, ou calquera outra das causas do dano cerebral adquirido.
A novela de campus, tamén denominada como novela universitaria, novela académica ou novela da vida universitaria, é un xénero importado do mundo anglosaxón que se vén cultivando cada vez máis no noso país. Son novelas que narran todo o que ten lugar nun ambiente universitario (no campus da Universidade). Contan as historias dos seus habitantes, profesores ou estudantes, e todo o que ten que ver coa docencia ou a aprendizaxe.
Nesta mostra bibliográfica seleccionamos da colección da nosa biblioteca algunhas novelas cuxa trama principal desenvólvese na contorna universitaria.
A Federación Galega de Dano Cerebral (FEGADACE) organiza esta exposición para conmemorar o Día do dano cerebral adquirido (26 de outubro)
Cedemos o vestíbulo a esta Federación para esta exposición e a acompañamos dunha mostra bibliográfica con fondos da biblioteca.
Ambas mostras poden visitarse no vestíbulo durante o horario de apertura da biblioteca.
Coincidindo coa XXIV edición do Festival Internacional Galicreques 2019 en Santiago de Compostela cedemos o vestíbulo a Títeres Cachirulo para para mostrarnos monicreques e marionetas de varias obras fundamentais da literatura como El Quijote, Las 1001 noches...
Pode visitarse no vestíbulo durante o horario de apertura da biblioteca.
