Espectáculo

Este sábado 10 de setembro bota a andar a cuarta edición do Camiño Escena Norte (CEN). Baixo o lema Medran os sorrisos, o proxecto de intercambio escénico, artístico e profesional entre compañías de Galicia, Asturias, Cantabria, Euskadi e, este ano, tamén Navarra percorrerá desde esta fin de semana, e até o 9 de outubro, 38 localidades das cinco comunidades autónomas.CEN 2022 inicia este sábado 10 a súa andaina galega na Praza da Quintana (ou no Salón Teatro en caso de choiva) coa presentación do espectáculo 'Kimera', da compañía navarra La Banda Teatro Circo.

O proxecto José Suárez: Suite para una vida nace coa idea de homenaxear á vida e a obra de José Suárez, talvez o fotógrafo galego máis recoñecido internacionalmente.

Esta obra consiste nun concerto de música orixinal escritura para guitarra eléctrica, arpa e teclado executada en directo mentres gozamos dun espectáculo de videocreación en vivo con fotografía orixinal dixitalizada, así como fragmentos de 8mm.

Perico e Tita, perseguindo o seu papaventos, intérnanse no bosque. Alí atopan o castelo onde vive o Gato con Botas, quen lles conta como venceu ao ogro para que o seu amo casase cunha princesa.

Os nenos seguen a procurar o seu cometa e chegan a uns arrecifes coroados por un faro. Soben a el e o fareiro relátalles as aventuras dun buque fantástico, que se aparecía misteriosamente para combater aos piratas.

Está orquestrado por David Porto, un cómico que fai das súas reflexións e vivencias un espectáculo de comedia, buscando o lado positivo da vida, se é posible, ou polo menos o lado gracioso. Facendo uso do monólogo clásico (Stand-up), improvisación (crowd work) e comedia musical.

Un show cheo de interacción co público, vandalismo, elegancia todo moi pizpireto.

David Porto é un monologuista emerxente que empezou a soar forte por mor dos seus vídeos cómicos de Instagram nos que fai gala do seu sentido do humor en diferentes salas.

KRYPTON é unha fantasía sinfónica en torno ao nome do planeta que viu nacer a Superman  para celebrar a coraxe de todas as persoas con habilidades extraordinarias. É unha homenaxe superlativo á humanidade, á bondade do ser humano e a todas as persoas que día a día son superheroes invisibles, anónimos que, cos seus superpoderes, axudan aos demais, sacan sorrisos e salvan vidas.

Ante todo mucha calma é un monólogo no que Corbacho ri de todo, pero, basicamente de si mesmo!, Bo, e tamén da súa familia, dos seus pais, da súa muller, do seu fillo, do seu can, e dos seus principios. Principios que por certo van cambiando en cada función. E postos a rirse, ri ata dos espectadores que van velo, pero sobre todo o que pretende é que os que rían máis sexan eles. Porque está a cousa como para deixar de rirse.

Xavier Deltell Dando la nota en todas as súas tronchantes intervencións. De feito, Dando a nota, é o título do seu show de humor. O actor é coñecido polas súas intervencións en Crónicas marcianas onde foi o entrevistador de rúa mítico; Mira quen baila onde creou coreografías que bailan os borrachos a día de hoxe nas discos ou Me escorrega onde os seus berros de terror nalgunha proba seguen lembrándonos o gracioso que é, son algunhas das aparicións máis míticas deste xenio da risa.

O dia 3 de setembro haberá unha posibilidade única de admirar a variedade e a autenticidade dos Entroidos Tradicionais de Galicia. A cita é a partir do mediodía na Praza do Obradoiro para continuar polas principais rúas e prazas do centro histórico de Santiago de Compostela.Sen ter que agardar ás datas do Entroido do próximo ano e sen ter que viaxar ata cada un dos concellos participantes.

Nesta peza de poesía e posta en escena, recóllense textos de Silvia Penas, principalmente recitados, pero tamén cantados, e composicións musicais (electrónica) de Jesús Andrés Tejada. Ambos os dous conforman o dúo de poesía escénica Cintaadhesiva. Darán conta dunha viaxe a través dun camiño fronteirizo que leva á voz poética cara ao empoderamento final. É un percorrido polos diferentes obstáculos cos que se vai atopando un eu poético que mesmo teme aos seus propios soños e ás palabras. O espazo doméstico e as súas gretas, as súas pequenas e grandes violencias.

Extravíos é a nova proposta de VACAburra para espazos non convencionais. Unha peza de danza acompañada por unha ukestra de ukeleles en directo, garabato musical para 7 intérpretes. Unha creación en forma de viaxe sonora danzada, un itinerario extraviado polo corpo e pola música, un encontro singular de dous colectivos de creación que atopan un terreo de xogo común.