Espectáculo

ARIODANTE é unha das máis importantes obras de Hädel, non só pola beleza da súa música, que nos deixa unha importante sucesión de Arias de gran complexidade técnica, senón tamén pola intelixencia que mostra o autor ao entender onde residía o éxito dunha obra naquel momento, deixando amplos fragmentos de lucimento para as súas estrelas canoras, quen lle aseguraba o cheo do teatro e a espectacularidade das súas interpretacións, reflectidas nas endemoniadas variacións características da forma DaCapo das súas Arias.

VERONIKA DZHIOEVA ? NORMA

O tenor donostiarra Xavier Anduaga, brillante gañador do International Opera Award considerado o Óscar do xénero como mellor cantante mozo de 2020, e antes do Premio Zarzuela Operalia 2019 e tamén ao Mellor Cantante Mozo do Concurso International Opera World, visitará novamente a cidade da Coruña, esta vez para ofrecernos un recital de cancións de compositores españois, romanzas e arias de ópera e zarzuela, e composicións de diversos xéneros en Eúscaro acompañado polo pianista Giulio Zappa.

O Marqués de Calatrava xa nos presaxia o drama que estamos por vivir O aire puro do campo encherá de paz o teu corazón Liberácheste daquel estranxeiro indigno de ti? Deixa que eu me preocupe agora do futuro. Confía no teu pai que tanto te ama: Serán as últimas palabras de amor que dedicará á súa filla Leonor antes do seu funesto final, comeza La forza del destino, melodrama en catro actos de Giuseppe Verdi sobre un libreto de Francesco María Piave, baseado na obra de teatro Don Álvaro ou La Fuerza del sino, de Anxo de Saavedra, Duque de Rivas.

Chévere cumpre 35 anos de actividade neste 2022 e celebran que o grupo segue en boa forma e traballando arreo cunha programación especial durante todo o outono. Dentro desta programación, ofrecen dúas funcións en Compostela de 'Curva España' os días 4 e 5 de novembro e tres funcións de 'N.E.V.E.R.M.O.R.E' os días 11, 12 e 13. De ambas propostas, habéra tamén funcións específicas para escolares dentro do noso Programa Didáctico.

Sara Baras volverá ao Palacio da Ópera da Coruña o día 26 de novembro para presentar o seu espectáculo flamenco 'Alma'.

Máis de 4.000 representacións coa súa compañía levárona a visitar os mellores teatros do mundo, converténdoa nunha das máis recoñecidas embaixadoras da cultura española. Os teatros máis importantes rendéronse aos seus pés, con excelentes críticas de prensa e público.

Así, o espectáculo 'Alma' chega para transmitir a esencia das súas raíces e ampla traxectoria sobre as táboas. A nova creación aúna flamenco e bolero a través de música de hoxe e de sempre.

Canavar e Masina, fundadores dunha inmensa empresa dixital, son aparentemente felices na súa vida de éxito. En realidade, afrontan a madurez con pasividade e decepción, sen a forza e os ideais que os moveron na súa mocidade.

Masina é consciente diso e loitará para que Canavar, ao que aínda ama, saia dese estado.

O que provocou e aproveitou esta situación é o seu ambicioso e falso amigo Ratsy, ao mando da empresa e partidario do uso agresivo da tecnoloxía máis deshumanizadora.

Nika chega puntual, coma sempre, ó punto de quedada, o sitio onde tiña que estar montada a carpa do… “Gran Circo Krasnovarak!”, pero… que acontece?, non hai carpa!, pero é que tampouco está Pepo o paiaso, nin os irmáns trapecistas…. NON HAI NINGUÉN!, Ó rato aparece Igor, o director e domador do circo, e resulta… que temos un problema maior!, os animais do circo…andan perdidos pola cidade!! Haberá que saír a buscalos!

Un espectáculo de narración oral para a infancia con monicreques e música en que se conta a historia do primeiro tranvía a vapor de Galicia, protagonista de innumerábeis cancións e anécdotas.

Neste espectáculo a participación do público é continua: aprendendo a pronunciar o "Trabalinguas" das trisílabas ou a cantar a Maturrangaina, na que o público miúdo se exercita en dicir os números en galego do un ao dez. Ao final da función agasállase o público cun xogo recortable coa canción á que fai referencia a imaxe, co obxectivo de que poidan xogar e cantar con el na casa.

Historias vivas recollidas para ser contadas de viva voz, aquí presentadas coma unha instantánea, coa humilde intención de que permanezan nalgún

lugar. Contos de catro mulleres bravas do Morrazo, que levaron a vida que querían levar.