Espectáculo

Nesta peza de poesía e posta en escena, recóllense textos de Silvia Penas, principalmente recitados, pero tamén cantados, e composicións musicais (electrónica) de Jesús Andrés Tejada. Ambos os dous conforman o dúo de poesía escénica Cintaadhesiva. Darán conta dunha viaxe a través dun camiño fronteirizo que leva á voz poética cara ao empoderamento final. É un percorrido polos diferentes obstáculos cos que se vai atopando un eu poético que mesmo teme aos seus propios soños e ás palabras. O espazo doméstico e as súas gretas, as súas pequenas e grandes violencias.

Extravíos é a nova proposta de VACAburra para espazos non convencionais. Unha peza de danza acompañada por unha ukestra de ukeleles en directo, garabato musical para 7 intérpretes. Unha creación en forma de viaxe sonora danzada, un itinerario extraviado polo corpo e pola música, un encontro singular de dous colectivos de creación que atopan un terreo de xogo común.

A Gaiola das Tolas é unha produción de Nostromo Ao vivo, coa dirección de Àngel Llàcer e Manu Guix.

Protagonizado por Àngel Llàcer e Armando Pita,o espectáculo conta cun elenco de 22 artistas e músicos en directo.

 A apracible vida de parella de Albin e Georges, propietarios do club nocturno"A Cage aux Folles" de Saint Tropez, vese totalmente alterada por unha noticia inesperada. Jean Michel, o fillo de Georges,vai casar coa filla dun deputado ultraconservador, acérrimo defensor dos valores máis tradicionais na vida familiar.

Oswaldo Digón é un actor, guionista, presentador e monologuista galego cun humor moi teatral. É capaz de escenificar todos os detalles nas súas historias.

Actualmente está a combinar a representación do seu espectáculo de humor Diálogos EN 3D en Madrid, e tamén en Barcelona con Las noches del Club de la Comedia.

Este cómico convídanos a coñecer de preto a súa vida. No seu espectáculo Vida e milagres do zume de laranxa conta a vida desde a súa infancia ata a súa idade actual e a influencia que tivo o zume en todas as etapas transcendentales da vida dun home.

"Festa miúda", de Urdime, será unha xornada de celebración con música e teatro para o público infantil e familiar. Un espazo festivo onde compartir, escoitar e divertirse en galego. Unha tarde enteira para cantar, contar e bailar con Charo Pita coa súa “Familia Papaventos”, a quen seguirá a “A fiestra dos soños” de Trotaventos e, para pechar, os contos, historias e monicreques de Pablo Sánchez, Pablísimo. 

Premio nacional á mellor comedia.

8 anos en cartel, non cha perdas!

Esta é unha comedia para todos os públicos. Nela, o espectador sentirá reflectido en diversas situacións e, por momentos, formará parte da obra. Móstranse diferentes maneiras de atraer ao outro sexo. Como ligaría un home tímido? E como o faría un intelectual?

Esta divertida comedia musical fai un percorrido polo noso pasado máis recente, a través da vida dunha parella divorciada que, pasados os 50, diríxense ao público para lembrar con, moito humor, as experiencias que os levaron ata o presente.
A obra, escrita por Adolfo Marsillach, é unha proposta que convida a reir, cantar e sobre todo, a lembrar unha época da nosa vida, que xa é historia.

Noite de monólogos é un evento solidario que organiza a Asociación de Familiares de Alzheimer de Pontevedra (AFAPO), con motivo do día mundial do Alzheimer, co obxectivo de visibilizar a enfermidade, dar a coñecer a problemática das familias afectadas e poder reunir fondos para novos proxectos.

Para facer realidade este evento contamos coa estimable colaboración dos tres artistas galegos de primeiro nivel que nos acompañarán neste evento como son:

Eutropio dialoga intimamente con Maruja durante a edición das fotografías mentres Nieves habita o escenario coa súa proposta de fotografías escenografiadas a través da palabra e o movemento. A palabra na voz poética atravesa a pel do público sen oposición, dando expresión á vida retida nas fotos. A música composta por Pablo Sanmamed lévanlles de viaxe como quen viaxa nun álbum fotográfico familiar onde o mundo emocional entra sen chamar con cada retrato.