Contacontos/Narración oral

Historias de mortos, de caciques, de curas, de personaxes singulares… Baseado no libro Os contos de Joselín. Primeiros documentos sonoros do teatro galego (1929-1954), o espectáculo recolle a tradición dos contacontos a través da figura de Joselín, o narrador galego de máis éxito de todo o século XX. Cadaval, Celso e Guti funden as súas narracións e dan renda solta á súa capacidade de improvisación narrativa abordando temas de actualidade e establecendo, en colaboración co público, un circuíto de información alternativo.

Pavís Pavós centra o seu traballo na recuperación do xeito tradicional de contar contos, na investigación e recuperación das formas orixinais dos contos clásicos. Tamén inclúe nos seus espectáculos contos de nova creación e con formatos contemporáneos. Traballa desde 1996 en bibliotecas, colexios, asociacións, feiras do libro... con sesións de contos e obradoiros de animación á lectura para nenos, nenas e tamén para pais e nais. É membro da Rede Internacional de Contacontos.

Nesta sesión de narración oral os rapace e rapazas emprenden unha viaxe na percura da estrela Salgadiña de Fisterra que lles ensinará a coidar o mar a través dunha fermosa historia de amor que transcorre en distintos espazos da costa galega.

O bardo Abelardo canta e conta desta volta as aventuras e poemas do poeta bergantiñán, o bardo de Ponteceso. A partir dos seus textos musicados, recitados e dramatizados, coñeceremos dun xeito áxil e ameno, a biografía e obra  de este clásico do rexurdir das nosas letras, Don Eduardo Pondal.

Unha nena pregúntase a que sabe a lúa. E despois de unha e mil probas para intentar chegar a lúa e, cando está a punto de desistir chega o pobo un circo ambulante que trae consigo un par de zancudos. Uns zancudos que son amigos da lúa e toman té con ela. Fálanlle a esta nena da lúa, como é o que lle gusta…

Narración oral baseado no libro editado por Kalandraka.

Chus Álvarez achégase ao Chiquiclub da Biblioteca de Ourense. Actividades destinadas a rapaces de 1 a 3 anos. Xoves  alternos ás 18:00. Aberta ata completar aforo. Prégase puntualidade.

Actividade destinada a rapaces de 1 a 3 anos. Érase unha vez uns zapatos con Fátima Fernández o 9 de abril, e Pura palabra con Sole Felloza o día 23

Aberta ata completar aforo. Prégase puntualidade.

A contadora Margarita Castro, participante do Programa de Voluntariado Cultural da Rede de Bibliotecas de Galicia, ofrece unha sesión de contacontos para animar o achegamento dos nenos e nenas á lectura e ao libro.

Unha morea de caixas que agochan palabras, animais e sorrisos.  “EntreCaixas” é un contacontos, por momentos interactivo para nen@s e familias acompañantes. 

Dedícase a sesión aos alimentos, que se traballarán mediante un conto e a súa teatralidade, unha canción, un xogo de mesa e adiviñanzas.