Contacontos/Narración oral

Desprega a túa imaxinación, e déixate levar pola miña voz e por estas obras de enxeñaría de papel. Viaxa aos seus xardíns, navega coas súas fragatas e mergúllate nun mundo de formas e de cores no que todo é posíbel. Unha contada interactiva onde as palabras e as formas que xurden dos libros forman unha historia, unha maxia coa que as nenas e nenos poderán viaxar, sentir e sorprenderse cun mundo imaxinario que agroma duns pequenos libros. Imaxes de papel que se espreguizan ante os teus ollos para recuperar a súa beleza.

Espectáculo sorprendente onde a maxia e o ilusionismo combínanse creando unha experiencia chea de fantasía e imaxinación, onde todo o impensable pode suceder. Maxia directa e creativa chea de aparicións, desaparicións e ilusións que desafiarán tanto á lóxica como á propia visión.

No salón de actos. Para público familiar. As persoas interesadas poden retirar a invitación no mostrador de Información da biblioteca dende 30 minutos antes do comezo da actividade.

Gema Santos e Felipe Díaz (Caxoto) preséntannos un espectáculo onde se conxugan dúas linguaxes que por separado son moi ricas, pero conxugadas son un verdadeiro tesouro. Un espectáculo no que a lingua oral se apoia na lingua de signos e onde a lingua de signos ponse á mesma altura que a lingua oral. Un espectáculo para persoas xordas e oíntes onde os dous códigos conviven como iguais. Un espectáculo no que o que menos importa é a diversidade presente no público senón o feito de vivir un conto nunha linguaxe universal.

SINOPSIS: Teatro de contos no que un persoaxe sacado da obra de Xullo Verne, dará a volta a un día estando en 80 mundos. Daremos un paseo polos distintos continentes e conoñeremos datos curiosos sobre eses luares por suposto todo a través dos contos.

Traballaremos valores moi importantes do día a día aprendendo mensaxes tan útiles como la importancia de compartir, ou o valor dun sorriso. Teatro e contos.

ELENCO: Erica González e Pablo Balseiro

_Ourografías: Scène 1_ é un estudo performativo arredor do son, o movemento e a materialidade da voz poética, unha coreografía coa palabra intervida no espazo como pedra angular. Unha posta en acción de Helena Salgueiro e Verónica Moar nun mapa arquitectónico onde o corpo, a poesía e a cerámica debuxan unha liña temporal e sonora.

Unha historia que propón unha pregunta: que pasaría se Pandora non abrise a caixa? De aquí parte un repaso divertido de mulleres que decidiron romper coa norma establecida e abrir a súa propia caixa iniciando un movemento imparable pola igualdade. Quereremos nós abrir nosa propia caixa?

A química e a interpretación mestúranse nos monólogos que ofrece a actriz Carmen Méndez

Presentarémosvos a algún dos autores máis recoñecidos da literatura infantil e contaremos algunhas das súas obras máis recoñecidas. Lecturas de autores como Leo Lioni, Jutta Bauer, Arnol Lobel, Murice Sendak, entre outros, serán os que nos acompañen este verán.

Neste terceiro encontro descubriremos as figuras e obra de Satoshi Kitamura, Tony Ross e Tomi Ungerer. Esperámosvos! 

MULLERES DE SAL, MULLERES DE TERRA é unha sesión de cantos que promove a igualdade e a pre­vención de violencia de xénero. 

Unha travesía guiada pelas mulleres que atesoura­ron a memoria dos cantos, da palabra a viva voz. Ao longo da Historia foron moitas as mulleres encarga­das de conservar este legado. Elas foron tamén trans­misoras deste universo, como redeiras á beira do mar, tecendo con fíos e nós o imaxinario. Cantos que tamén saen da terra e que se debullan coma o millo para transmitir as alegrías, os temores e os soños dos pobos. 

Obradoiro infantil para idades de 4 a 6 anos.

Corseando cos Bolechas