Ritmos altamente enerxéticos sacados dunha vella lata de paprika; un pandeiro e unha pandeireta dirixindo os cantos; un violín, unha gaita e un acordeón convidando a bailar antes de fusionarse nun suntuoso zunido para apoiar unha balada. Radio Cos explora a diversidade das profundas raíces da música folc galega para cantar e bailar coa paixón de celebrar a identidade desta histórica nación e as súas itinerantes influencias que moldearon a súa cultura musical actual.
O Festival Esmorga Fest preséntase no Ateneo Trinta de Compostela cos directos de Voltem e Favx. Entrada 5€.
Voltem: http://www.facebook.com/voltemband/
FAVX: http://soundcloud.com/favxpop
O Esmorga Fest celebra a súa 3ª edición o próximo 11 de marzo en Sarria con este cartel: Triángulo de Amor Bizarro, Los Bengala, Nueva Vulcano, Músculo!, PAUS, Equations, ARIES, Pálida, Atención Tsunami, Beach Beach e Voltem.
A formación 2naFronteira, acompañados pola percusionista Marta Figueiredo, interpretarán cancións de varios dos seus discos e algunhas inéditas, todas elas dedicadas a Rosalía. Algunhas son textos de Cantares gallegos, que eles musicaron. Outras, son poemas que dedicaron outros autores a Rosalía, como Otero Pedrayo ou mesmo García Lorca.
O ciclo Lubicán, organizado ao abeiro do convenio Lugo Cultural, no que participan o Concello e a Deputación Provincial de Lugo xunto coa USC, garante unha programación cultural estable e de marcado selo galego durante a primavera lucense.
O grupo de música folk Milesios abriu o cartel do Lubicán Íntimo, que ten agora continuidade con Xoán Curiel e seguiralle o 21 de abril o dúo formado por Mónica de Nut e Luís Martíns co seu ‘Raíces aéreas’.
O ciclo Lubicán, organizado ao abeiro do convenio Lugo Cultural, no que participan o Concello e a Deputación Provincial de Lugo xunto coa USC, garante unha programación cultural estable e de marcado selo galego durante a primavera lucense.
O grupo de música folk Milesios, unha formación que pretende recoller e re-interpretar a música tradicional galega e irlandesa na idea de que foron os galegos de hai miles de anos, abre oo cartel do Lubicán Íntimo, coa presentación do seu último traballo ‘Indoevindo’.
Como continuidade do xa rematado Ciclo de Novos Intérpretes, organizado durante dúas décadas pola Asociación Galega da Lírica e a Universidade de Santiago de Compostela, ponse en marcha agora o I Ciclo de Concertos Novos Talentos Musicais.
Este ciclo, organizado pola Asociación Compostela Sound e a Universidade de Santiago de Compostela ten como finalidade a promoción de novos músicos galegos residentes en Galicia ou estudantes de Centros de Música Galegos. O Ciclo está destinado a solistas de todos os instrumentos, cantantes e grupos de música de cámara.
Ataque Escampe presentan o seu novo LP Primeiros bicos na sala Capitol de Compostela.
Acompáñaos Emilio José, que presenta á súa vez o LP Nativos digitais.
Entradas: 10 € na billeteira e 8 € anticipadas (á venda n'A Reixa Tenda).
Na sala, ademais, será posible comprar o vinilo Primeiros bicos a un prezo especial.
Máis información deste concerto, aquí.
Acto central do Día de Rosalía de Castro no Concello de Ames O auditorio da Casa da Cultura de Bertamiráns acolle o acto central de homenaxe á escritora. A entrada ao acto literario-musical é libre e gratuíta. Hai lecturas, dramatizacións e vídeocreacións con poemas rosalianos e música a cargo da vocalista e compositora, Najla Shami, que no 2013 publicou Na lingua que eu falo. Ademais, dous rapaces do Milladoiro Eric Fungueiriño e Noe Cutrín van a facer unha versión rapeada do poema rosaliano A xustiza pola man.
O Servizo de Normalización Lingüística, en colaboración coa Asociación Cultura Eira Vella e coa participación do alumnado do CEIP Francisco Vales Villamarín, do IES Francisco Aguiar e mais a Asociación Cultural A Fuliada, realiza o acto de homenaxe a Rosalía de Castro, nun acto que presentará Isabel Risco e pechará Najla Shami.
Na véspera do 180º aniversario de Rosalía de Castro desenvolveranse en Rianxo actos en honra.
Ás 19.30 horas, diante do monumento de Rosalía no Paseo da Ribeira ten lugar unha lectura pública, intervención de autoridades e ofrenda floral. Intervención musical a cargo de Sabela Galbán Rodríguez Rianxeira, Oli Xiráldez, Gustavo Couto Rodríguez e Alberto Pires. Artesán de Gaitas Galegas. interpretando a "Alborada de Rosalía"
