Concerto

Prexton é un novo guitarrista e cantautor que vive dacabalo entre Cáceres e Galicia. Despois de pasar por bandas de diferentes estilos como o folk, o hip-hop ou o ska, en 2013 decide emprender a súa carreira en solitario con total liberdade creativa. Nesta nova etapa, orientada ao folk de autor con raíces americanas, gaña a Batalla de Bandas da Universidade de Salamanca, obtén o Segundo Premio no Santiautor 2015 e proclámase Finalista do Certame MúsicaXove 2015.

Terry Lee Hale presenta o seu novo disco para Glitterhouse “Blund, Chained, Fettered”.

Músico norteamericano, Terry Lee Hale é o prototipo de músico que estivo en todas partes, que viu moitas cousas e que fixo da estrada o seu fogar.

Divertida proposta didáctica dirixida a un público familiar no que, como foi no caso do vaia Banda, a complicidade co público será a ferramenta para que o espectador disfrute dunha maxistral clase de inxenio . Odaiko móstranos aparatos super novidosos e virtuosas composicións feitas por eles mesmos, e que xunto cunha sorprendente posta en escena e  o humor retranqueiro farán deste outro éxito asegurado.

Ivy Moon é unha banda de Santiago de Compostela que inicia o seu percorrido en 2014, debutando no Brincadeira Festival. A partires do seu nacemento, o grupo emprende un percorrido no que a constancia e o talento forman a base para conseguir grandes logros: En só dous anos, Ivy Moon suma xa 2 EP autoproducidos, concertos por toda Galicia e cidades como Madrid, Barcelona ou Granada. Foron finalistas de importantes concursos musicais como o EISV Music (Vigo) en 2015, o BDcoder organizado polo Dcode Festival (Madrid) e tamén o Queixo Maquetón do Festival do Queixo (Arzúa).

Frankie Chávez estableceuse como un dos músicos máis orixinais da nova escena musical portuguesa; referíronse a el como a nova revelación de blues do sur de Europa.

A súa música combina unha ampla gama de sons que resultan nun blues/roots/rock composto por ritmos limpos e outros máis crus e psicodélicos. Aínda que se poden identificar moitas influencias musicais diferentes (Robert Johnson, Jimi Hendrix, Kelly Joe Phelps, Ry Cooder) é case imposible definir a súa música cunha soa palabra. Frankie posúe un estilo único e distintivo.

Far Away Place é un grupo de rock formado en Ferrol en 2010, composto por catro rapaces cheos de enerxía. En 2014 proclámanse gañadores do EISV Music (Vigo) e en 2015 gañan o concurso "Outra + Outra". O seu repertorio, consistente case na súa totalidade de temas propios, cargados de electricidade, ritmos esmagadores e riffs rápidos de guitarra non deixará a ninguén indiferente. O son conserva a esencia do máis puro hard rock dos 80, e a súa posta en escena lembra á de míticos grupos como AC/DC.

María Manuela é un símbolo de Ferrol na defensa da nosa lingua. Cando no ano 1974 se xuntou ao seu compañeiro Miguel Varela, o Tranquilo, a música galega deu un salto cualitativo e moitos poemas galegos foron pouco a pouco inzándose de música. O dúo foi espallando poesía cantada por toda a xeografía galega e por fóra da Galiciaa. Entre tanto foron gravando discos e rexistrando todo este proceso melódico e harmónico que inundaba os poemas de nova elocuencia compartida entre artes.

Actuación do Grupo de Música Antiga 1500 para pórlle música ao acto de homenaxe ao 66 cabodano de Castelao, que organiza a fundación co mesmo nome.

A Banda das Apertas, composta por Magín Blanco, María Faltri, Jorge Juncal e Jerry Noia teñen un longo percorrido acompañando a A nena e o grilo nas súas propostas escénicas, e chegou o momento de voar sos.

Nesta nova produción as músicas do creador Magín Blanco conviven con outras coñecidas cancións que o público familiar recoñece e valora da historia da música contemporáneas, e que permitirán gozar en familia dun concerto, no que o público é parte do elenco: coreando, acompañando e sobre todo disfrutando con esta Banda das Apertas.