O recoñecido cantaor soubo axuntar nas súas variadas propostas artísticas xéneros ou disciplinas coma o flamenco, a electrónica, a literatura, a performance, a poesía fonética, o rock, a canción de autor ou a música contemporánea, entre outras.
O Fanzine Fest 2018 marca o décimo aniversario do proxecto Fanzine e para iso da un paso adiante, creando unha experiencia multidisciplinar de vangarda audiovisual que busca a experiencia única do universo sensorial nun marco de elegancia. O Teatro Colón convírtese nun espazo de reverencia contemporáneo con tres propostas do máis alto nivel no ámbito da música e do audiovisual electrónico.
Este espectáculo nace co fin de promover, fomentar e difundir a arte como encontro: estreitar o coñecemento e a experiencia destas cantoras que revisitan a copla, a xota ou os alalás. Catro mulleres, Carmen París, Martirio, Uxía e Ugia Pedreira, que reinventaron e revolucionaron estes xéneros e déronlles unha nova vida e unha nova visión desde o risco, a experimentación e a creación de novos contidos e arranxos que entroncan co jazz e outras músicas, facendo que chegue a outra audiencia.
Músicos:
Marcos Teira: guitarra eléctrica e española
Co seu álbum de debut, 45 cerebros y 1 corazón (Fina Estampa, 2017), incluído nas listas dos mellores discos de 2017 nos medios máis influentes do sector, Maria Arnal e Marcel Bagés deixaron de ser unha promesa para converterse nunha das realidades máis sólidas da música feita aquí. Un paso de xigante na traxectoria dun dúo que conta os seus directos por abducións e que, a partir dunha mestura de emoción, actitude e talento, deixa un rastro de seguimento alá onde pasa.
Chámase Antonio Manuel Álvarez Vélez, coñécenlle como Pitingo (fachendoso, en caló) e canta con acento baixo-andaluz, eco xitano, caste flamenca, alma de afroamericana querenza, e sentido diferencial.
De aí naceu o seu propio estilo, a soulería, que ten unha definición e queda esta recollida en Flamenco de la A a la Z. Diccionario de términos del flamenco (Espasa Calpe, 2007).
Gañador de nove premios Grammy (seis Grammy awards e tres Grammy latinos) e merecedor de moitas distincións, Dionisio Jesús ‘Chucho’ Valdés Rodríguez é natural de Quivicán, A Habana, Cuba.
Jazz Batá é o nome do novo proxecto deste gran pianista cubano. Trátase dun novo cuarteto de piano, contrabaixo e dous espectaculares sets de percusións, no que Chucho recupera o espírito dos discos máis importantes da súa carreira (Jazz Batá, 1972).
Concerto da Orquestra Sinfónica de Galicia, dirixida por Andrés Valero-Castells, cun programa de bandas sonoras do cinema español. Partituras de José Nieto e compositores galegos escritas para cinema e TV.
A SEMUA, Semana das Músicas do Audiovisual, é un festival singular que, baixo a dirección artística do compositor Nani García, dá protagonismo ás músicas para cinema, televisión e outros medios audivisuais, difundindo as mellores composicións en cada xénero.
Mitic volverá sorprender e emocionar con novo repertorio e novas sorpresas que non deixarán a ninguén indiferente, por ser un espectáculo musical único, orixinal e pioneiro, dirixido e producido polos recoñecidos músicos vigueses Álvaro e Suso Costas.
Mitic seguen facendo bailar a todo o seu público ao ritmo das lendas máis grandes da música como Gun´s and Roses, Dire Straits, ACDC, Beach Boys, Frank Sinatra, Gloria Gaynor, Bonnie Tyler ou Tina Turner.
Toda historia ten un comezo, e esta ten o rostro dun violín atopado no lixo. Sucedeu en 2006. O escenario é o gran vertedoiro de Cateura, en Asunción, capital de Paraguai. Un lugar onde os residuos se converteron en parte da paisaxe e no medio de vida para moitas persoas que se dedican a recuperalos.
Proxecto encabezado polo artista coruñés Carlos Liñares, no que estará acompañado por músicos de recoñecido nivel artístico, como Marcos Martín (Baixo e voces), Pablo Rodríguez (violín) e Lisandro Abelaidas (congas e percusión).
Neste concerto interpretarán tangos e fados, recorrendo aos máis clásicos destes dous xéneros, interpretándoos co gusto e o agarimo que todos esperan destes grandes músicos, influenciados claramente por estes dous estilos ao longo da súa extensa carreira.
