Hai algo máis de tres anos a banda madrileña Siete Almas irrompeu no mercado nacional co seu disco Nova Terra, cultivando excelentes críticas e sorprendendo a propios e estraños pola calidade da proposta e pola aparición dunha banda de hard rock en castelán dese calibre.
Koma volven aos escenarios despois de case seis anos de inactividade. A banda creada en 1995 editou oito traballos discográficos ata 2012, ano no que se separan. Pero nada é para sempre, as ganas de volver tocar xuntos fixeron que a banda se reúna de novo e presente as primeiras datas da súa xira.
O grupo de rap galego Ezetaerre presentará o seu novo traballo, que levará o nome de Pólvora e Tormenta (Letras para Woody Mellor). Será nun concerto en directo e acompañados polos composteláns Alto Asalto e, desde Vallecas, as abandeiradas do rap feminista Ira.
Co FIV de Vilalba arranca a tempada de festivais en Galicia e grazas á súa traxectoria desde a primeira edición e a que cada ano se cuida con esmero a calidade artística, converteuse nunha cita ineludible no circuíto de festivais galegos.
As maiores orquestras de Galicia pechan o ano 2018 con este festival.
Resulta bastante incrible que alguén grave un primeiro disco con apenas 19 anos e presente este nivel de imaxinación compositiva, profundidade nas letras e capacidade de interptetación. Pero é que case nada na vida de Marem Ladson resulta moi normal. O seu precoz talento, a súa seguridade sobre o escenario, a madurez coa que controla cada aspecto da súa carreira sorprenden inmediatamente. Esta aparición estelar foise forxando en presenzas en escenarios e festivais.
Tras unha dilatada carreira profesional na que Strazz chega aos núm. 1 de diferentes listas de éxitos, percorrendo España e parte do estranxeiro; agora renace cun novo traballo: Kronus, que presentará por todo o territorio nacional nunha xira coa súa banda Los Zeta.
Neste novo espectáculo, Jose en solitario toma a batuta da banda Los Zeta para realizar xuntos unha viaxe por 17 universos nos que o deus Kronus, traveso e malvado, encarnado en Strazz, loita por conseguir que o tempo mecánico domine os seres de todos os planetas.
Este ano que se están a cumprir os 50 anos da Nova Canción Galega, un dos seus máximos representantes, Miro Casabella, estará este sábado, día 24 de novembro, ás 20 h, na Casa-Museo Manuel María. Teremos ocasión de escoitar este trobador, comprometido coa lingua, a cultura e o país, repasar algunhas das composicións do seu amplo e rico cancioneiro.
Ben Salter é un compositor e intérprete australiano que vive no estado sureño de Tasmania. Ten realizado xiras por Australia e o mundo durante case 20 anos, en solitario e como membro de The Wilson Pickers, The Gin Club, Giants of Science e Hownowmer.
Julie Rhodes chega desde o estado de Massachusetts en Nova Inglaterra (USA) para presentar o seu traballo Bound To Meet The Devil (Dirt Floor 2015), gravado nos Fame Studios de Muscle Shoals en Alabama con xente como o teclista Spooner Oldham, o guitarrista Greg Leisz ou a violinista Sara Watkins.
A súa música atrapa cos sons clásicos de raíces oriundos do norte americano. Composicións que mesturan country, soul, blues e folk, que fan revivir as pantasmas do mellor blues dos anos 50 impregnado polo soul primixenio da década seguinte.
