Retirada de invitacións: previa en https://clasclas23.ataquilla.com, a partir do 2 de maio ás 15:00 horas ata o 26 de xuño ás 12:00 h. e, se non se esgotan, no despacho de billetes do Auditorio a partir das 19:00 h. o día do concerto.
Entrada gratuíta ata completar aforo.
Formada por 83 nenos e nenas de entre 6 e 15 anos, a Orquestra infantil da Sinfónica de Galicia achega os cimentos da formación grupal necesaria para a práctica da música en orquestra sinfónica. Baixo a dirección de Jorge Montes e Enrique Iglesias Precedo, a Orquestra infantil ofreceu o seu primeiro concerto público na Coruña en abril de 2011.
Nuria Lorenzo, mezzosoprano naceu en Vigo e é titulada Superior en Canto polo Conservatorio Superior de Música de Vigo. Compaxina estes estudos coas clases maxistrais da mezzosoprano Helga Mueller Mollinari en Verona, Italia. No ano 2015 recibe a Medalla de Prata Galega Destacada 2014 en recoñecemento á súa traxectoria profesional como cantante lírica e directora coral. Foi bolseira pola Universidade de San Louis (EE. UU.) para estudar Interpretación da Canción Española en Granada co mestre Miguel Zanetti.
Fisión Atlántica Ensemble está composto por Luís Soto á frauta travesera, Nikolay Velikov ao violín, Ioana Ciobotaru a viólaa, Álvaro Quintanilla ao violoncelo e Pablo carpinteiro á pipa galega.
As Doas é un grupo de cámara que investiga no repertorio musical de mulleres compositoras de todos os tempos. Inspirado no mito renacentista das damas de Ferrara ?obrigadas a realizar os seus concertos en sumo secreto en exclusivas cortes europeas?, esta formación nace co obxectivo de visibilizar o papel das mulleres na historia da música e poñer en valor un prezado patrimonio musical escondido.
Eixos cromáticos levarannos nunha viaxe da man do trío da recoñecida arpista viguesa Alba Barreiro, acompañada por Margarida Mariño e Pablo Mera a través dalgunhas das composicións de Andrés Gaos e Jesús Bal y Gay. A súa obra orquestral e pianística é transcrita e arranxada por Alba Barreiro para arpa soa e trío formado por frauta, violoncelo e arpa, co fin de ampliar o repertorio para este instrumento con música da nosa terra.
Tramontana está formada por Aurora Pajón á frauta, Mathilde Bernard á arpa e Alejandra Martín a viólaa e todas elas perseguen unha dirección artística común: crear espectáculos nos que a música se atopa e combina con diferentes elementos artísticos. Deste xeito, música clásica e contemporánea mestúranse co teatro, a poesía, a escenografía ou as artes visuais.
O Oliva Trío é froito das inquietudes concertísticas de tres profesoras unidas pola cidade de Vigo. Desta maneira, o seu nome fai referencia ao froito da oliveira, símbolo da cidade. Esta formación está formada por Laura Jiménez ao fagot, Cecilia Castro ao oboe e Virginia Lis ao clarinete.
Especializada no repertorio barroco e clásico é hoxe una das máis eminentes solistas no ámbito da música barroca e clásica.
A Bellemont nace no verán de 2007 coa ilusión de conseguir unha interpretación do repertorio francés para viola dá gamba e baixo continuo baseada no pracer polo son per se, na retórica gestual e nun traballo camerístico especialmente detallado.
